سەمەي قالاسىندا 1 ماۋسىمنان باستاپ حالىققا قىزمەت كٶرسەتۋ ورتالىقتارى جۇمىسىن باستادى, دەپ حابارلايدى قازاقپارات.
ۆيرۋستىڭ تارالۋ قاۋپٸ ساقتالۋىنا بايلانىستى حقو-لاردا ەلەكتروندى فورماتتا قولجەتٸمدٸ ەمەس «قاعاز» قىزمەتتەر كٶرسەتٸلەدٸ. ورتالىققا بارۋ ٷشٸن كەزەك ۋاقىتىن 1414 بايلانىس ورتالىعى نەمەسە egov.kz پورتالىنداعى ارنايى سەرۆيس ارقىلى الدىن الا برونداۋ قاجەت.
«كەزەكتٸ الدىن الا برونداۋ شارالارى سەمەيلٸكتەر مەن ورتالىق قىزمەتكەرلەرٸنٸڭ قاۋٸپسٸزدٸگٸن قامتاماسىز ەتۋ ماقساتىندا قابىلداندى. سونداي-اق حقو-عا كەلگەن كەزدە ماسكا رەجيمٸن ساقتاۋ قاجەت», - دەيدٸ «ازاماتتارعا ارنالعان ٷكٸمەت» شقو بويىنشا فيليالىنىڭ ديرەكتورى ازامات ەسەمبۋلوۆ.
ونىڭ ايتۋىنشا, مەملەكەتتٸك قىزمەتتٸڭ 80% استامىن egov.kz ەلەكتروندىق ٷكٸمەت پورتالى, تەلەگرامداعى eGovKzBot2.0 بوتى جەنە eGovMobile موبيلدٸك قوسىمشاسى ارقىلى ونلاين فورماتتا الۋعا بولادى. كومپيۋتەرٸ جوق ازاماتتار ٷشٸن حقو عيماراتىنان تىس ٶزدٸگٸنەن قىزمەت الۋعا ارنالعان 28 egov.kz بۇرىشى اشىلدى. ولار ەكٸمدٸك عيماراتىندا, قالالىق كٸتاپحانالاردا ورنالاسقان.
باسقا ۇيىمدار ٸسكە قوسىلعاننان كەيٸن وسىنداي بۇرىشتار سانى تاعى ۇلعايادى.
