Semei qalasynda 1 maýsymnan bastap halyqqa qyzmet kórsetý ortalyqtary jumysyn bastady, dep habarlaidy QazAqparat.
Virýstyń taralý qaýpi saqtalýyna bailanysty HQO-larda elektrondy formatta qoljetimdi emes «qaǵaz» qyzmetter kórsetiledi. Ortalyqqa barý úshin kezek ýaqytyn 1414 bailanys ortalyǵy nemese egov.kz portalyndaǵy arnaiy servis arqyly aldyn ala brondaý qajet.
«Kezekti aldyn ala brondaý sharalary semeilikter men ortalyq qyzmetkerleriniń qaýipsizdigin qamtamasyz etý maqsatynda qabyldandy. Sondai-aq HQO-ǵa kelgen kezde maska rejimin saqtaý qajet», - deidi «Azamattarǵa arnalǵan úkimet» ShQO boiynsha filialynyń direktory Azamat Esembýlov.
Onyń aitýynsha, memlekettik qyzmettiń 80% astamyn egov.kz elektrondyq úkimet portaly, telegramdaǵy eGovKzBot2.0 boty jáne eGovMobile mobildik qosymshasy arqyly onlain formatta alýǵa bolady. Kompiýteri joq azamattar úshin HQO ǵimaratynan tys ózdiginen qyzmet alýǵa arnalǵan 28 egov.kz buryshy ashyldy. Olar ákimdik ǵimaratynda, qalalyq kitaphanalarda ornalasqan.
Basqa uiymdar iske qosylǵannan keiin osyndai buryshtar sany taǵy ulǵaiady.
