سەمەي قالاسىندا 10 مىڭعا جۋىق ادامعا كوروناۆيرۋسقا قارسى ۆاكتسينا سالىندى, دەپ حابارلايدى "ۇلت اقپارات".
وسى جىلدىڭ 1 اقپانىنان باستاپ ەلٸمٸزدە COVID-19 ينفەكتسيياسىنا قارسى ەرٸكتٸ ۆاكتسيناتسييا باستالعان بولاتىن. بٷگٸنگٸ تاڭدا سەمەي تۇرعىندارى اراسىندا ەكپە سالدىرىپ جاتقاندار از ەمەس. بۇل جايلى ونلاين فورماتتا ٶتكەن باسپاسٶز مەسليحاتىندا شاھار ەكٸمٸنٸڭ ورىنباسارى ايدار سادىرباەۆ مەلٸم ەتتٸ.
«قالا بويىنشا 10 مىڭعا جۋىق ادام رەسەيلٸك «سپۋتنيك V» ۆاكتسيناسىنىڭ بٸرٸنشٸ كومپونەنتٸن الدى. ەرتەڭ قر دەنساۋلىق ساقتاۋ مينيسترلٸگٸنٸڭ بەكٸتٸلگەن كەستەسٸنە سەيكەس, ۆاكتسينانىڭ كەزەكتٸ دوزاسىنىڭ جەتكٸزٸلۋٸن كٷتٸپ وتىرمىز. ۆاكتسينا العىسى كەلگەن ازاماتتار تۇرعىلىقتى مەكەنجايى بويىنشا ەمحاناعا نەمەسە Egov پورتالى ارقىلى ٶتٸنٸش بەرۋ ارقىلى تٸركەلە الادى. قاۋٸپتٸ دەرتتٸ جەڭۋدٸڭ نەگٸزگٸ امالى – ۆاكتسينا ەكەنٸن قاپەردە ۇستايىق», – دەدٸ ول.
ايدار سادىرباەۆتىڭ ايتۋىنشا, سەمەيدە ۆاكتسيناتسييا پۋنكتەرٸ ەمحانالار مەن ٸرٸ كەسٸپورىنداردا جۇمىس ٸستەپ تۇر.
