سەمەيدە ەكٸ اۆتوبۋس كەمەلەتكە تولماعان جاياۋ جٷرگٸنشٸنٸ قاعىپ كەتتٸ, دەپ حابارلايدى "ۇلت اقپارات".
اباي كٶشەسٸ بويىمەن كەلە جاتقان باعدارلىق اۆتوبۋستىڭ 55 جاستاعى جٷرگٸزۋشٸسٸ قايىم مۇحامەدحانوۆ كٶشەسٸنە قاراي بەت العان. الايدا جٷرگٸزۋشٸ قوزعالىستىڭ قاۋٸپسٸز جىلدامدىعىن تاڭداماي, جاياۋ جٷرگٸنشٸلەر جولاعىنان ٶتٸپ بارا جاتقان 17 جاستاعى جاياۋ جٷرگٸنشٸنٸ قاعىپ كەتكەن, دەپ حابارلادى شقو پوليتسييا دەپارتامەنتٸنٸڭ باسپاسٶز قىزمەتٸ.
جول اپاتى سالدارىنان ول دەنە جاراقاتىن العان. بٸرقاتار ساراپتامالار تاعايىندالدى, سونىڭ نەتيجەسٸ بويىنشا زاڭدى شەشٸم قابىلدانادى.
دەل سول كٷنٸ تاعى بٸر باعدارلىق اۆتوبۋس گلينكا كٶشەسٸندەگٸ جاياۋ جٷرگٸنشٸلەر ٶتكەلٸندە كەمەلەتكە تولماعان جاياۋ جٷرگٸنشٸنٸ قاعىپ كەتكەن.
«قىز جولدىڭ جٷرۋ بٶلٸگٸنەن سولدان وڭعا قاراي, قوزعالىس بارىسىندا ٶتٸپ بارا جاتقان. جول-كٶلٸك وقيعاسى سالدارىنان كەمەلەتكە تولماعان جاسٶسپٸرٸم نەيروحيرۋرگييا بٶلٸمشەسٸنە جاتقىزىلدى», – دەپ تٷسٸندٸردٸ قالالىق پوليتسييا باسقارماسىندا.
