Semeide eki avtobýs kámeletke tolmaǵan jaiaý júrginshini qaǵyp ketti, dep habarlaidy "Ult aqparat".
Abai kóshesi boiymen kele jatqan baǵdarlyq avtobýstyń 55 jastaǵy júrgizýshisi Qaiym Muhamedhanov kóshesine qarai bet alǵan. Alaida júrgizýshi qozǵalystyń qaýipsiz jyldamdyǵyn tańdamai, jaiaý júrginshiler jolaǵynan ótip bara jatqan 17 jastaǵy jaiaý júrginshini qaǵyp ketken, dep habarlady ShQO politsiia departamentiniń baspasóz qyzmeti.
Jol apaty saldarynan ol dene jaraqatyn alǵan. Birqatar saraptamalar taǵaiyndaldy, sonyń nátijesi boiynsha zańdy sheshim qabyldanady.
Dál sol kúni taǵy bir baǵdarlyq avtobýs Glinka kóshesindegi jaiaý júrginshiler ótkelinde kámeletke tolmaǵan jaiaý júrginshini qaǵyp ketken.
«Qyz joldyń júrý bóliginen soldan ońǵa qarai, qozǵalys barysynda ótip bara jatqan. Jol-kólik oqiǵasy saldarynan kámeletke tolmaǵan jasóspirim neirohirýrgiia bólimshesine jatqyzyldy», – dep túsindirdi qalalyq politsiia basqarmasynda.
