سەمەي قالاسىنىڭ مۇراجايىنان قازاقتىڭ باس اقىنى اباي تۋرالى جاڭا دەرەكتەر تابىلدى, دەپ حابارلايدى "ۇلت اقپارات".
سەمەي قالاسىنداعى وبلىستىق تاريحي-ٶلكەتانۋ مۇراجايىنىڭ ديرەكتورى قايرات سابىرباەۆ قوردا 1894 جىلعى تٸركەۋ دەپتەرٸ بار ەكەنٸن, سول ارقىلى بٸر كەزدەرٸ ٶلكەتانۋ مۇراجايىنا تاپسىرىلعان زاتتاردىڭ بٸرٸ ابايعا تيەسٸلٸ ەكەنٸ انىقتالعانىن ايتتى.
«دەپتەردە بەلبەۋدٸڭ يەسٸ شىڭعىس بولىسىنداعى يبراھيم قۇنانبايۇلى دەپ جازىلعان. بۇل زاتتى مۇراجايعا قور ساقتاۋشى قابىلداپ العان. بٸراق كٸمنەن قابىلداپ العانىن دەپتەردە جازباعان», - دەپ تٷسٸندٸردٸ ق.سابىرباەۆ.
كٷمٸسپەن كٶمكەرٸلگەن بەلبەۋ اباي مۇراجايىنا تاپسىرىلدى.
