سەمەي قالاسىندا ۇلىستىڭ ۇلى كٷنٸندە اباي اتىنداعى جاڭا مەشٸتتٸڭ سالتاناتتى اشىلۋى ٶتتٸ, دەپ حابارلايدى "ۇلت اقپارات".
مەشٸتتٸڭ قۇرىلىسىن 2008 جىلى شەتەلدٸك ينۆەستورلار باستاعان بولاتىن. الايدا قارجىلىق قيىندىقتارعا بايلانىستى ولار جوبانى جالعاستىرۋدان باس تارتتى.
سول كەزدەگٸ جوبانىڭ قۇنى تٶرت ميلليون دوللاردى قۇراعان. 2010 جىلى 100 ميلليون تەڭگە بٶلگەن «قازاقمىس» كورپوراتسيياسى مەشٸت قۇرىلىسىن جالعاستىرۋدى ۇيعاردى.
بٸراق كورپوراتسييا دا بۇل ٸستٸ سوڭىنا جەتكٸزە الماعان.
سەگٸز جىل بويى سەمەيلٸكتەر مەشٸت قۇرىلىسىنا بەي-جاي قاراماي, جۇمىستىڭ جاندانۋىنا تٸلەكشٸ بولدى.
مەشٸت جوباسى وسى ۋاقىتقا دەيٸن بٸرنەشە رەت ٶزگەرگەن.
2018 جىلى قۇرىلىستى اياقتاۋعا كەسٸپكەر دۋلات تاستەكەەۆ كٸرٸستٸ. ٶز قاراجاتىمەن جۇمىستى قايتا جانداندىرعان كەسٸپكەر باستالعان ٸستٸ سوڭىنا دەيٸن جەتكٸزگەن.
نەتيجەسٸندە بٷگٸن قالاداعى ەڭ ٷلكەن دٸني نىسان بوي كٶتەرٸپ, سالتاناتتى تٷردە اشىلدى.
«جاڭا تٶرت مۇنارالى مەشٸتكە ۇلى اقىن اباي اتى بەرٸلدٸ. سىيىمدىلىعى - 2 500 ادام. التىن جالاتىلعان مۇنارالاردىڭ بيٸكتٸگٸ 37 مەتردٸ قۇرايدى. تٷركٸستان ەكٸمدٸگٸ ابايدىڭ 175 جىلدىعىنا ارنالعان ٸس-شارالار اياسىندا ونىڭ اۋماعىن اباتتاندىرعان. ولار بۇل جوباعا 600 ميلليون تەڭگە بٶلدٸ. مەشٸت عيماراتىنا ٸرگەلەس 47 مىڭ شارشى مەتر اباتتاندىرىلىپ, ەكٸ جەرٷستٸ كٶپٸر سالىنىپ جاتىر. سونداي-اق 500 اۆتوكٶلٸككە ارنالعان تۇراق قاراستىرىلىپ, 200 شام ورناتىلعان», - دەپ حابارلادى سەمەي قالالىق اقپارات ورتالىعى.
اشىلۋ سالتاناتىنا قر باس مٷفتيٸ ناۋرىزباي قاجى تاعانۇلى, دٸن ٶكٸلدەرٸ مەن قالا باسشىلىعى قاتىستى.
قالا ەكٸمٸ نۇرىمبەت ساقتاعانوۆ قۇرىلىسقا اتسالىسقان بارلىق جانعا العىس ايتىپ, سەمەيلٸكتەردٸ كٶپتەن كٷتكەن مەشٸتتٸڭ اشىلۋىمەن قۇتتىقتادى.
شاھار تۇرعىندارىن قۇتتىقتاۋعا اتاقتى اقىن مۇحتار شاحانوۆ پەن تەاتر جەنە كينو رەجيسسەرٸ اسانەلٸ ەشٸموۆ تە كەلدٸ.
«بٷگٸنگٸ شارا ناۋرىز مەيرامىمەن تۇسپا-تۇس كەلٸپ وتىر. سەمەيلٸكتەر ٷشٸن بۇل ٷلكەن قۋانىش. مەشٸت قۇرىلىسى ۇزاققا سوزىلىپ, بٸراز ۋاقىتقا توقتاتىلدى. دۋلات تاستەكەەۆتٸڭ ارقاسىندا قۇرىلىس قايتا جاندانىپ, بٷگٸن ونىڭ اشىلۋىن اتاپ ٶتۋدەمٸز. بارشاڭىزدى ۇلىستىڭ ۇلى كٷنٸمەن قۇتتىقتايمىن», - دەدٸ قر باس مٷفتيٸ ناۋرىزباي قاجى تاعانۇلى.
دۋلات تاستەكەەۆتٸڭ ايتۋىنشا, قۇرىلىستى ٶتكەن جىلدىڭ تامىز ايىندا ابايدىڭ 175 جىلدىعىنا وراي اياقتاۋ جوسپارلانعان ەدٸ.
بٸراق كوروناۆيرۋس پاندەميياسىنا بايلانىستى جۇمىس كەشەۋٸلدەگەن.
«مەشٸت قۇرىلىسى ەكٸ جارىم جىل جٷرگٸزٸلدٸ. بٸز قۇرىلىستى العاش باستاعان كەزدە ونى ەكٸ جىل ٸشٸندە اياقتاپ, 2020 جىلدىڭ تامىزىندا, حاكٸم مەرەيتويىنا وراي اشۋدى جوسپارلادىق. الايدا, ەلەمدٸك پاندەمييا جۇمىسقا ەسەر ەتپەي قويمادى. سوندىقتان قۇرىلىس تاعى جارتى جىلعا سوزىلدى. سوعان قاراماستان, بٸز باستالعان ٸستٸ سوڭىنا دەيٸن جەتكٸزە الدىق. كٷن مەن تٷن تەڭەلگەن قاسيەتتٸ كٷنٸ سٸزدەرمەن بٸرلەسٸپ مەشٸتتٸ سالتاناتتى تٷردە اشىپ جاتىرمىز. بۇل مەن ٷشٸن جەنە بٷكٸل سەمەي ٷشٸن ٷلكەن قۋانىش. ٶيتكەنٸ سەمەيلٸكتەر بۇل مەشٸتتٸڭ اشىلۋىن ون جىلدان استام ۋاقىت كٷتتٸ. وسى جىلدار ٸشٸندە تالاي مەردٸگەر ٶزگەردٸ. ال بٸزدٸ مەشٸتتٸڭ تاعدىرى الاڭداتپاي قويمادى. سەمەيدٸڭ دامۋىنا ٶز ٷلەسٸمٸزدٸ قوسقانىمىزعا ٶتە قۋانىشتىمىز», - دەيدٸ دۋلات تاستەكەەۆ.
