شىعىس قازاقستان وبلىسىنىڭ ەكٸمٸ دانيال احمەتوۆ سەمەيدەگٸ قاراعايلى شاعىن اۋدانىندا بولىپ, قىرىق بەس كٶپبالالى وتباسىعا پەتەر كٸلتتەرٸن تابىس ەتتٸ, دەپ حابارلايدى قازاقپارات.
كٶپبالالى وتباسىلاردى باسپانامەن قامتۋ ماقساتىندا وبلىستىق تۇرعىن ٷي قۇرىلىسى باعدارلاماسى اياسىندا قاراعايلىق شاعىن اۋدانىندا سالىنعان ٷيدەن 50 پەتەر ساتىپ الىندى.
ايماق باسشىسى پەتەرلەردٸ ارالاپ, تۇرعىن ٷيلەردٸڭ ساپاسىنا ريزاشىلىعىن بٸلدٸردٸ, تۇرعىنداردى جاڭا قونىستارىمەن قۇتتىقتادى.
«بارلىق كٶپبالالى انالارعا پەتەر بەرۋ كەرەك. بٸراق بۇل ٷلكەن مەسەلە بٸر جىلدىڭ ٸشٸندە شەشٸلمەيدٸ. وسى جىلى سەمەيدە جىل سوڭىنا دەيٸن تاعى 30 وتباسىعا پەتەر بەرٸلەدٸ دەگەن جوسپار بار. وسى جىلدىڭ ەكٸنشٸ جارتى جىلدىعىندا قالادا تاعى 179 مىڭ شارشى مەترگە ٷي سالامىز. بۇل ٶز كەزەگٸندە مەسەلەنٸ شەشۋگە مٷمكٸندٸك بەرەدٸ», - دەدٸ د. احمەتوۆ.
بٷگٸنگٸ كٷنٸ مەملەكەتتٸك تۇرعىنٷي قورىنان باسپانا الۋ ٷشٸن 10,5 مىڭنان استام ازامات كەزەكتە تۇر. ونىڭ ٸشٸندە 371-ٸ كٶپ بالالى وتباسى. بيىلعى جىلى وبلىستىڭ 290 كٶپبالالى وتباسىنا باسپانا كٸلتٸن تابىستاۋ كٶزدەلۋدە.
ايتا كەتۋ كەرەك, سوڭعى ٷش جىلدا وبلىستا تۇرعىنٷي قۇرىلىسى قارقىندى دامۋدا. ٶتكەن جىلى شقو-دا 410,5 مىڭ شارشى مەتر تۇرعىنٷي پايدالانۋعا بەرٸلدٸ. ال اعىمداعى جىلى 639,9 مىڭ شارشى مەتر تۇرعىن ٷيدٸڭ قۇرىلىسى باستالدى.
