سەمەي قالاسىنىڭ بٸر توپ زييالى قاۋىم ٶكٸلدەرٸ ۇلى ابايدىڭ ەكەسٸ قۇنانباي ٶسكەنبايۇلىنىڭ اتىنا كٶشە بەرۋ تۋرالى باستاما كٶتەردٸ, دەپ حابارلايدى "ۇلت اقپارات" ابايدىڭ «جيدەباي-بٶرٸلٸ» قورىق-مۋزەيٸنٸڭ باسپاسٶز قىزمەتٸنە سٸلتەمە جاساپ.
باستاما اتالمىش قورىق-مۋزەيدٸڭ فەيسبۋكتەگٸ پاراقشاسىندا جارييالاندى.
«قازاقتىڭ الىبى دا, اسقارى دا - اباي, ۇلى اقىننىڭ اسىل مۇراسى دا ادامزاتقا ورتاق. 2020 جىلى اباي (يبراھيم) قۇنانبايۇلىنىڭ تۋعانىنا 175 جىل, ۇلى اقىن مۋزەيٸنٸڭ قۇرىلعانىنا 80 جىل تولادى. بۇل مەرەيتوي - رەسپۋبليكا جۇرتشىلىعى ٷشٸن ايتۋلى وقيعا. اباي, شەكەرٸم, مۇحتار, سونداي-اق كٷللٸ الاش ارىستارىنىڭ مول مۇراسىن ەرتەڭگە جەتكٸزۋ - تەك اباي قاراشاڭىراعى قىزمەتكەرلەرٸنٸڭ عانا ەمەس, بارشا ەل يگٸلٸگٸن ويلاعان ازاماتتاردىڭ پارىزى», - دەلٸنگەن حابارلامادا.
«جيدەباي-بٶرٸلٸ» مەملەكەتتٸك قورىق-مۋزەيٸنٸڭ باستاماسىمەن ٷستٸمٸزدەگٸ جىلدىڭ 16 قازانىندا سەمەي قالاسىنىڭ ەكٸمٸ ە.سەلٸموۆكە رەسپۋبليكاعا ەڭبەگٸ سٸڭگەن بٸر توپ قايراتكەرلەر مەن ابايتانۋشىلار اتىنان قۇنانباي ٶسكەنبايۇلىنا كٶشە بەرۋ تۋرالى حات جولدانعان.
«ابايدىڭ تۋىستىق اينالاسىندا ەكەسٸ قۇنانباي ٶسكەنبايۇلىنىڭ ورنى ەرەكشە. زامانىندا تۋعان ۇلتىنىڭ سالت-دەستٷرٸن بەرٸك ۇستانىپ, ەل-جۇرتىنا مىعىم بيلٸك قۇرعان اعا سۇلتان قۇنانباي - ٶز زامانىنىڭ بٸرتۋار قايراتكەرٸ. ادولف يانۋشكەۆيچتiڭ «كٷندەلٸكتەر مەن حاتتار» كiتابىنداعى قۇنانبايعا بەرٸلگەن مiنەزدەمە ونىڭ 40 جاسقا دەيiنگi مiنەز-قۇلقىن, iس-ەرەكەتiن, ابىروي-بەدەلiن تانىتادى: «قۇنانباي بيدٸڭ جاسى باراق سۇلتاننان بiراز ٷلكەن. بۇل دا دالا ٶڭٸرٸندە اتى كەڭ جايىلعان ادام. قاراپايىم قازاقتىڭ بالاسى. تابيعات وعان كەسەك اقىل, عاجايىپ ەس جەنە جٷيرٸك تٸل بەرگەن. ٸسكەر, ٶز اتالاستارىنىڭ يگٸلٸگٸ ٷشٸن قام جەيدٸ. قازاقتارعا قاتىستى روسسييالىق ۋستاۆتاردى بەس ساۋساعىنداي بٸلەدٸ. قارا قىلدى قاق جارعان بي جەنە ٶنەگەلٸ مۇسىلمان». قۇنانبايدىڭ ٶز زامانىندا قانداي كەسەك تۇلعا بولعانىن قازاقستاننىڭ, رەسەيدٸڭ ومبى, سانكت-پەتەربۋرگ, موسكۆا قالالارىنىڭ ارحيۆتەرiندەگi توبىقتى ەلiنiڭ جاي-كٷيi باياندالاتىن جازبالار دا مەلٸم ەتەدٸ», - دەلٸنگەن حابارلامادا.
وسى ايتىلعان جايلاردى ەسكەرە وتىرىپ, زييالى قاۋىم ٶكٸلدەرٸ قالا ەكٸمٸنەن سەمەيدٸڭ كٶرٸكتٸ بٸر كٶشەسٸنە قازاق حالقىنىڭ قۇنانبايداي اياۋلى پەرزەنتٸنٸڭ ەسٸمٸن بەرۋدٸ سۇرايدى.
«سەمەي قالاسى زييالى قاۋىمى اتىنان ن.سەمباەۆ, ح.ماتاەۆ, ا.ەسپەنبەتوۆ, ن.ەپسەلەموۆ, ب.ەرسەلٸموۆ, م.جانبولاتوۆ, ا.احمەتجانوۆ, س.كوشكين, ز.توقاەۆ, ت.ەبدٸكەكٸموۆ, ب.جٷنٸسبەكوۆ, م.مۇحامەديۇلى, ا.وماروۆ جەنە ت.ب. قول قويدى. سەمەي قالالىق ەكٸمدٸگٸ ٶسكەلەڭ ۇرپاقتى ۇلتجاندىلىق رۋحتا تەربيەلەۋدەگٸ مەنٸ زور يگٸلٸكتٸ ٸستٸ بٸراۋىزدان قولداي وتىرىپ, اباي قۇنانبايۇلىنىڭ الداعى 2020 جىلى تويلاناتىن 175 جىلدىعىنا وراي قالا تۇرعىندارىنا ەرەكشە تارتۋ جاسايتىنىنا سەنٸمدٸمٸز», - دەلٸنگەن حابارلامادا.
