مەجٸلٸس دەپۋتاتى باقىتبەك سماعۇل سەمەي پوليگونىندا ەسكەري بورىشىن ٶتەگەندەردٸڭ تٷيتكٸلدٸ مەسەلەلەرٸ جٶنٸندە قر پرەمەر-مينيسترٸنٸڭ ورىنباسارى ەرالى توعجانوۆتىڭ اتىنا ساۋال جولدادى, دەپ حابارلايدى قازاقپارات.
«بٸزدٸڭ دەپۋتاتتىق ساۋال جولداۋىمىزعا سەمەي يادرولىق سىناق پوليگونىنىڭ سالدارىنان زارداپ شەككەن ارداگەرلەردٸڭ كٶپتەگەن ٶتٸنٸشٸ نەگٸز بولدى. قازٸر وسى يادرولىق سىناقتان زارداپ شەككەندەردٸڭ ٸشٸندە اۋرۋعا شالدىققان ازاماتتاردىڭ سانى ارتۋدا, ولار – ەسٸرەسە ۇرپاقتان-ۇرپاققا بەرٸلەتٸن قاتەرلٸ ونكولوگييالىق, جٷرەك-قان تامىرلارى اۋرۋلارى. الايدا, مەملەكەت تاراپىنان وسى ازاماتتارعا جەڭٸلدٸكتەر مەن جەردەماقىلار بەرۋ مەسەلەسٸ بٷگٸنگٸ كٷنگە دەيٸن وڭ شەشٸمٸن تاپپاي وتىر», - دەدٸ دەپۋتات مەجٸلٸستٸڭ جالپى وتىرىسىندا.
ونىڭ ايتۋىنشا, مەسەلە ەسكەري بورىشىن ٶتەۋ كەزٸندە سەمەي پوليگونىنداعى يادرولىق قارۋ سىناقتارىنان زارداپ شەككەن قازاقستان رەسپۋبليكاسىنىڭ ازاماتتارىنا, اسا قاۋٸپتٸ بٶلٸمشە ارداگەرلەرٸنە قاتىستى. قورعانىس مينيسترلٸگٸنٸڭ مەلٸمەتٸنشە, سەمەي يادرولىق سىناق پوليگونىندا ەسكەري قىزمەت (ونىڭ ٸشٸندە مەرزٸمدٸ) ٶتكەرگەن 9646 ادام بار.
«ارداگەرلەر تۋرالى» قر زاڭىنىڭ 6-بابىنا سەيكەس جەڭٸلدٸكتەر بويىنشا ۇلى وتان سوعىسىنىڭ ارداگەرلەرٸنە تەڭەستٸرٸلگەن ارداگەرلەر قاتارىنا يادرولىق سىناقتارعا تiكەلەي قاتىسقان ادامدار جاتادى. بٸراق, يادرولىق سىناقتىڭ زارداپتارىنا تٸكەلەي ۇشىراعان سول كەزدەگٸ ەسكەري بورىشىن ٶتەۋشٸ تۇلعالار بۇل تٸزٸمگە جاتپايدى. سەبەبٸ, وسى زاڭنىڭ 9-بابىنا سەيكەس, ارداگەرلەردٸڭ مەرتەبەسi يادرولىق سىناقتارعا تiكەلەي قاتىسۋدى راستايتىن انىقتامالاردىڭ, ەسكەري بيلەتتەردiڭ جەنە ٶزگە دە قۇجاتتاردىڭ, جارالانۋ, مٷگەدەكتiك تۋرالى انىقتامالاردىڭ, سوت-مەديتسينالىق قورىتىندىلاردىڭ نەگiزiندە بەلگٸلەنەدٸ. الايدا, جوعارىدا اتالعان ارداگەرلەردٸڭ ەسكەري بيلەتتەرٸندە ەسكەردە بولعان ۋاقىتى مەن بٶلٸمشە اتاۋى عانا كٶرسەتٸلەدٸ, ال تٸكەلەي يادرولىق سىناققا قاتىسقاندىعى تۋرالى اقپارات بەرٸلمەيدٸ», - دەپ تٷسٸندٸردٸ ب. سماعۇل.
بۇل مەسەلە بويىنشا قورعانىس مينيسترلٸگٸ «ازاماتتاردىڭ اسا قاۋٸپتٸ بٶلٸمشەلەرٸنٸڭ ٸس-قيمىلدارىنا تٸكەلەي قاتىسۋى رەسەي فەدەراتسيياسى قورعانىس مينيسترلٸگٸنٸڭ ورتالىق مۇراعاتىنىڭ انىقتاماسىمەن راستالادى» دەپ رەسمي مەلٸمدەيدٸ.
«بۇل تالاپتىڭ ورىندالمايتىنى بەلگٸلٸ. نەتيجەسٸندە, يادرولىق سىناقتارعا تٸكەلەي قاتىسقان تۇلعالارعا بەرٸلەتٸن ارناۋلى مەملەكەتتٸك جەردەماقىنى الۋ جٶنٸندە ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە جٷگٸنگەن ٶتٸنٸش بەرۋشٸلەر ۇزاق جىلدار بويى انىقتاما تاپسىرۋ تۋرالى جاۋاپتار الىپ كەلەدٸ. بۇل رەتتە, ەڭبەك جەنە حالىقتى ەلەۋمەتتiك قورعاۋ مينيسترلiگi مەن قورعانىس مينيسترلiگiنiڭ بiرلەسكەن iس-ەرەكەتi ارقىلى قاجەتتi مەلiمەتتەر الۋدىڭ قولايلى مەحانيزمدەرٸن ەزiرلەۋگە بولار ەدٸ. الايدا, ۋەكٸلەتتٸ ورگاندار جىلدار بويى تٷرلٸ سەبەپتەرمەن مەسەلەنٸ تٷبەگەيلٸ شەشۋدەن باس تارتۋدا. جوعارىدا باياندالعاننىڭ نەگٸزٸندە, ەرالى لۇقپانۇلى (قر پرەمەر-مينيسترٸنٸڭ ورىنباسارى ەرالى توعجانوۆ – رەد.) سٸزدەن اسا قاۋٸپتٸ بٶلٸمشەلەردٸڭ ارداگەرلەرٸنە قاتىستى ەلەۋمەتتٸك ەدٸلەتتٸلٸكتٸ قالپىنا كەلتٸرۋ بويىنشا جەدەل شارالار قابىلداۋىڭىزدى سۇرايمىز», - دەپ ساۋال جولدادى مەجٸلٸس دەپۋتاتى.
