فوتو: BNews.kz
ەڭبەك جەنە حالىقتى ەلەۋمەتتٸك قورعاۋ مينيسترٸ سۆەتلانا جاقىپوۆا زەينەتاقى جيناعىنا اقشا اۋدارماي جۇمىس ٸستەپ جٷرگەن قازاقستاندىقتاردىڭ زەينەتاقىسى قالاي تاعايىندالاتىنىن تٷسٸندٸردٸ, دەپ حابارلايدى Kazinform اگەنتتٸگٸ.
مينيستر ەلەكتروندى ەڭبەك بيرجاسى پورتالىن تانىستىرۋ ٷشٸن باق ٶكٸلدەرٸمەن «گالستۋكسىز» كەزدەسۋ ٶتكٸزٸپ, جۋرناليستەردٸڭ ساۋالدارىنا جاۋاپ بەردٸ. قويىلعان سۇراقتاردىڭ اراسىندا 1998 جىلدان كەيٸن ەڭبەككە ارالاسقان, بٸراق زەينەتاقى جيناعىنا بٸر دە بٸر تەڭگە اۋدارماعان ادامداردىڭ كەلەشەگٸ تۋرالى سۇراق قويىلدى.
«بازالىق زەينەتاقى بەرٸنە كەپٸلدەندٸرٸلگەن, ياعني بەرٸنە تٶلەنەدٸ. ەگەر ول ازاماتتاردىڭ بٸرىڭعاي زەينەتاقى قورىنا اۋدارعان جارنالارى, اۋدارىمدارى بولماسا, مەملەكەت ولارعا دا بازالىق زەينەتاقى تٶلەۋدەن باس تارتپايدى. بازالىق تٷردە كٶمەگٸن بەرەدٸ. بٸز ونداي ازاماتتاردىڭ ساراپتاماسىن جٷرگٸزەمٸز. سول ساراپتاماعا قاراساق, بٸزدٸڭ حالىق زەينەتكە شىعاتىن 3 جىل قالعاندا قيمىلداي باستايدى. مىسالى, ەر ازاماتتار 63-تە زەينەتكە شىعادى. سوندىقتان 60-قا كەلگەندە بەرٸ زەينەتاقى جارناسىن ەڭ جوعارى كٶلەمدە تٶلەي باستايدى. نەگە? بٸزدٸڭ زاڭدا, كودەكستە جازىلعان. زەينەتاقىنىڭ مٶلشەرٸ كەيٸنگٸ 3 جىل نەمەسە 36 اي بويى اۋدارىلعان جارنالاردىڭ ورتاشا كٸرٸسٸنەن ەسەپتەلەدٸ. سوندىقتان قازٸر قازاقستاندىقتار زەينەت جاسىنا ٷش جىل قالعاندا اۋدارىمداردى بەلسەندٸ جولداۋعا ٷيرەنٸپ العان. سوعان قاراعاندا, بٸز ٶزٸمٸزدٸ ٶزٸمٸز الداپ وتىرمىز. 1998 جىلدان بەرٸ جارناسىن تۇراقتى اۋدارىپ كەلە جاتقان ازاماتتار ارتىلعان سوماعا باسپاناسىن الىپ, دەنساۋلىعىن تٷزەپ جاتىر. مەنٸڭ ايتارىم, جۇمىسقا تۇرعان كەزدە ەڭبەك شارتىن جاساۋ كەرەك. ناقتى تٷردە اۋدارىمداردى ۋاقتىلى اۋدارىلعانىن قاداعالاۋ كەرەك», - دەيدٸ مينيستر.
ۆەدومستۆو باسشىسى قولدانىستاعى زەينەتاقى مٶلشەرٸن تاعايىنداۋ تەسٸلٸ ۋاقىت كەلە ٶزگەرتٸلەتٸنٸن ەسكە سالدى.
«مەن ايتىپ وتىرمىن عوي. تاعايىنداۋ تەسٸلٸن ٶزگەرتٸپ, 1998 جىلدان باستاپ نەمەسە كەيٸنگٸ 25 جىلداعى اۋدارىم كٶلەمٸنە بايلانىستى تاعايىندالادى دەپ جازامىز. بٸراق ٶزٸڭٸز تٷسٸنەسٸز, حالىق ونداي ٶزگەرٸستەرگە دايىن بولۋ كەرەك. قازٸر زەينەتكە شىعىپ جاتقان ازاماتتاردىڭ زەينەتاقى مٶلشەرٸ قولدانىستاعى نورما بويىنشا ەسەپتەلەدٸ. ال نەگٸزٸنەن سەكسەنٸنشٸ جىلدارى تۋعان ازاماتتارعا جاڭا تەسٸل ەنگٸزەمٸز. ولاردىڭ زەينەتكە شىعۋىنا دەيٸن ەلٸ ۋاقىت بار عوي. سوندىقتان ولار قازٸردەن باستاپ جارنالاردى تۇراقتى اۋدارىپ وتىرۋى كەرەك. ياعني, ولارعا كەيٸنگٸ ٷش جىلداعى اۋدارىمداردىڭ ٶلشەمٸ ەمەس, كەيٸنگٸ 25 جىلداعى اۋدارىمدارى ەسەپكە الىنادى», - دەدٸ سۆەتلانا جاقىپوۆا.
