فوتو: Tengrinews.kz
قاراعاندىدا سەگٸز جاستاعى وقۋشى نۇريدەن امانتاي جانىپ جاتقان ٷيدەن ەكٸ جاسار قارىنداسىن قۇتقارىپ قالدى. ولاردىڭ ٷيٸ تولىعىمەن وتقا ورانىپ, بالالاردىڭ اتاسى مەن ەجەسٸ كٷيٸكتەن قايتىس بولدى بولدى, - دەپ حابارلايدى Tengrinews.kz سايتى.
ٶرت 2022 جىلعى جەلتوقساندا بولعان. بالانىڭ ٶرت كەزٸندە قولى مەن بەتٸن كٷيٸك شالعان. ول سول قايعىلى وقيعا تۋرالى ەندٸ عانا ايتا الادى.
"ٶرت ٷيدە مەن قارىنداسىم, اتام جەنە ەجەم بولعان كەزدە باستالدى. كٸرەبەرٸستە تۇرعان پەشتە بٸردەڭە جارىلىپ كەتتٸ. بٸز ول ۋاقىتتا اس ٷيدە تاماقتانىپ وتىرعان ەدٸك. اتام مەن ەجەم دەلٸزگە نە بولعانىن كٶرۋ ٷشٸن شىعىپ كەتٸپ, ۇزاق ۋاقىت ورالمادى. سودان كەيٸن ولاردىڭ ارتىنان بارىپ, پەشتٸڭ جانىندا بەرٸ جانىپ تۇرعانىن كٶردٸم. دەلٸزدەن شىعا المايتىنىمدى تٷسٸندٸم. اس ٷيگە جٷگٸرٸپ بارىپ, اناما قوڭىراۋ شالىپ, قارىنداسىمدى الىپ, ونى تەرەزەنٸڭ الدىنا كٶتەردٸم. سودان كەيٸن وعان ٶزٸم كٶتەرٸلٸپ, رابييامەن بٸرگە سەكٸرگۋگە دايىندالدىم. وسى كەزدە كٶرشٸلەر تەرەزەگە قاراي جٷگٸرٸپ كەلدٸ. ولارعا قارىنداسىمدى بەردٸم دە, ٶزٸم شىقتىم", - دەدٸ نۇريدەن.
بالالاردىڭ اتا-ەجەسٸ سىرتقا شىعا العانىمەن, دەنەلەرٸنٸڭ 40-60 پايىزىن كٷيٸك شالعان. ولار نۇريدەنمەن بٸرگە اۋرۋحاناعا جاتقىزىلدى.
"مەن كەلگەندە ٷي لاپىلداپ جانىپ جاتتى. كٷيەۋٸمنٸڭ اتا-اناسىن جان ساقتاۋ بٶلٸمٸنە, نۇريدەندٸ قاراپايىم پالاتاعا جاتقىزدى. ٶكٸنٸشكە قاراي, ەكٸ كٷننەن كەيٸن قايىن اتام قايتىس بولدى. تاعى ەكٸ اپتادان كەيٸن قايىن ەنەم قايتىس بولدى. قازٸر بٸز كٷيەۋٸمٸزدٸڭ تۋىستارىندا ەكٸ بٶلمەلٸ پەتەردە تۇرامىز. ولاردىڭ بەس بالاسى بار", - دەيدٸ نۇريدەننٸڭ اناسى ناديرا اقىشوۆا.
ناديرانىڭ جۇبايىمەن بٸرگە تٶرت بالاسى بار. ٶرت كەزٸندە 10 جاستاعى ۇلى مەن 13 جاستاعى قىزى مەكتەپتە بولعان. قازٸر وتباسى باسپاناعا مۇقتاج.
