قاسىم-جومارت توقاەۆ ٶز پرەزيدەنتتٸگٸنٸڭ ەكٸ جىلىندا ەلدەگٸ ەلەۋمەتتٸك-ەكونوميكالىق, قوعامدىق-ساياسي مەسەلەلەردٸ شەشۋدە ەۆوليۋتسييالىق-پروگرەسسيۆتٸ شەشٸمدەردٸڭ قابىلدانۋىنا ىقپال ەتتٸ.
بۇل پٸكٸردٸ ساياساتتانۋشى, ۇلتتىق قوعامدىق سەنٸم كەڭەسٸنٸڭ مٷشەسٸ ەرلان سايىروۆ ايتتى, دەپ حابارلايدى قازاقپارات.
«قاسىم-جومارت توقاەۆتىڭ بٷكٸلحالىقتىق سايلاۋدا جەڭٸپ شىققانىنا ەكٸ جىل بولدى. وسى ەكٸ جىلدا ەلٸمٸزدە ەڭ بٸرٸنشٸ قوعامدىق-ساياسي سالادا ەۆوليۋتسييالىق تۇرعىدا رەفورمالار بولىپ جاتىر. ٶزدەرٸڭٸز بٸلەسٸزدەر, ەڭ الدىمەن ۇلتتىق كەڭەس قۇرىلدى. وسى ۇلتتىق كەڭەس اياسىندا بٸزدٸڭ ەلٸمٸزدەگٸ ساياسي رەفورمالاردى جٷزەگە اسىرۋدىڭ پاكەتتەرٸ ۇسىنىلدى. بٸرٸنشٸ پاكەت بويىنشا ميتينگ تۋرالى جاڭا تۇرپاتتاعى زاڭ قابىلداندى, سونىمەن بٸرگە «پارلامەنتتٸك وپپوزيتسييا» ۇعىمى پايدا بولدى. پارتييا تۋرالى زاڭعا ٶزگەرٸستەر ەنگٸزٸپ, جاستار مەن ەيەلدەرگە 30 پايىزدىق كۆوتا ەنگٸزٸلدٸ. ەكٸنشٸ پاكەت بويىنشا, بيىلدان باستاپ ايماقتاردا, اۋداندىق دەڭگەيدەگٸ اۋىل, پوسەلوك, قالالاردىڭ ەكٸمدەرٸ سايلاناتىن بولادى. بيىل 830 ەكٸم سايلانادى, بۇل ەلٸمٸزدەگٸ ساياسي رەفورمالاردىڭ ايماقتارعا كٶشكەندٸگٸنٸڭ بەلگٸسٸ», - دەدٸ سايىروۆ.
سونىمەن بٸرگە, ساياساتتانۋشى حالىقتىڭ ەلەۋمەتتٸك جاعدايىن تٷزەۋگە ارنالعان بٸرقاتار شەشٸم تۋرالى ايتتى.
«ەڭ الدىمەن كرەديتتٸك امنيستييا جاسالدى, مۇعالٸمدەر مەن دەرٸگەرلەردٸڭ جالاقىسى ٶستٸ, سوسىن اۋىلداردا مال ۇرلاۋعا قاتىستى زاڭ كٷشەيتٸلدٸ. بۇل دا حالىقتىڭ ەلەۋمەتتٸك جاعدايىن رەتتەۋگە باعىتتالعان قادام. ەكونوميكاعا ويىسساق, كۆازيمەملەكەتتٸك سەكتوردىڭ ساتىپ الۋلارىن باقىلاۋ, باقىلاعاندا قازاقستاندىق ٶندٸرۋشٸلەرگە باسا نازار اۋدارۋ مەسەلەسٸنە ارنالعان زاڭعا جاقىندا پرەزيدەنت قول قويدى. وسى قادامداردىڭ بارلىعى ەلٸمٸزدەگٸ ەلەۋمەتتٸك-ەكونوميكالىق, قوعامدىق-ساياسي مەسەلەلەردٸ شەشۋدە ەۆوليۋتسييالىق-پروگرەسسيۆتٸ شەشٸمدەردٸڭ قابىلدانىپ جاتقانىنىڭ كٶرسەتكٸشٸ, ول شەشٸمدەردٸڭ ەڭ باسىندا قر پرەزيدەنتٸ قاسىم-جومارت كەمەلۇلى توقاەۆ تۇر», - دەيدٸ ەرلان سايىروۆ.
ەسكە سالا كەتسەك, 2019 جىلى نۇر-سۇلتان ۋاقىتىمەن 20.00-دە قازاقستاندا كەزەكتەن تىس پرەزيدەنت سايلاۋىنا داۋىس بەرۋ اياقتالدى. سايلاۋشىلاردىڭ 77,5% داۋىس بەرۋگە قاتىستى. «Nur Otan» پارتيياسىنىڭ اتىنان قر پرەزيدەنتٸ كانديداتتىعىنا تٷسكەن قاسىم-جومارت توقاەۆقا سايلاۋشىلاردىڭ 70,96%-ى داۋىس بەرگەن.
