سايرام اۋدانىنىڭ قاراسۋ اۋىلدىق وكرۋگٸنە قاراستى اقباي اۋىلىندا قازاقتىڭ ۇلتتىق ويىندارىن ٷيرەتەتٸن جاتتىعۋ ورتالىعى اشىلدى. اۋدانداعى بالالار مەن جاسٶسپٸرٸمدەرگە ارنالعان №3 سپورت مەكتەبٸنٸڭ قوسىمشا ورتالىعىندا بٷگٸنگٸ تاڭدا ٷش جاتتىقتىرۋشى ەڭبەك ەتۋدە. ولار جاس شاباندوزدارعا اۋدارىسپاق, كٶكپار تارتۋ جەنە تەڭگە ٸلۋ سەكٸلدٸ ۇلتتىق سپورت تٷرلەرٸن ٷيرەتۋدە.
اۋداندىق دەنە شىنىقتىرۋ جەنە سپورت بٶلٸمٸنٸڭ باسشىسى باۋىرجان اسقاروۆ جەرگٸلٸكتٸ جاستاردىڭ قازاقتىڭ تٶل ٶنەرٸنە دەگەن قىزىعۋشىلىعى جوعارى ەكەنٸن ايتادى. ەسٸرەسە, بالالاردىڭ كٶكپار تارتۋعا دەگەن ىنتاسى زور. اشىلعانىنا كٶپ بولا قويماعان ورتالىقتا قازٸر 12 مەن 18 جاس ارالىعىنداعى 60 شاباندوز الداعى ۋاقىتتا ٶتەتٸن بەسەكەلەرگە قاتىسۋعا دايىندالۋدا. باۋىرجان اسقاروۆ كەلەشەكتە اۋداندا ۇلتتىق سپورت تٷرلەرٸنە باعىتتالعان ارنايى مەكتەپ اشۋ دا جوسپارلانىپ وتىرعانىن جەتكٸزدٸ.
بٷگٸندە بٶلٸمشەدە 15 ارعىماق بار. كەلەر جىلى ولاردىڭ قاتارىن جيىرماعا جەتكٸزۋ كٶزدەلٸپ وتىر. ايتا كەتەيٸك, مۇندا اۋداننىڭ كەز كەلگەن تۇرعىنى كەلٸپ, اتپەن سەرۋەن قۇرا الادى.
ەلباسى نۇرسۇلتان نازارباەۆ قازاقستان حالقىنا ارناعان «قازاقستاندىقتاردىڭ ەل-اۋقاتىنىڭ ٶسۋٸ: تابىس پەن تۇرمىس ساپاسىن ارتتىرۋ» اتتى جولداۋىندا دەنە شىنىقتىرۋ-ساۋىقتىرۋ ورىندارىن كٶبەيتۋ كەرەكتٸگٸن ەكٸمدەرگە قاتاڭ تاپسىرعان بولاتىن. سونىمەن قاتار, ولاردىڭ قولجەتٸمدٸ بولۋىنا دا كٶڭٸل بٶلۋدٸ ايتقان-دى. سايرامدىقتار مەملەكەت باسشىسىنىڭ وسى تاپسىرماسىن ورىنداۋعا كٸرٸسٸپ كەتتٸ. مەسەلەن, شاباندوزداردى دايىندايتىن ورتالىقتا بالالار تەگٸن جاتتىعۋدا.
اۋدان جاستارى فۋتبولدان دا جاقسى جەتٸستٸكتەرگە جەتٸپ جٷر. وعان اۋداندىق دەنە شىنىقتىرۋ جەنە سپورت بٶلٸمٸ مەن كەسٸپكەرلەر اراسىندا تٷزٸلگەن مەموراندۋمنىڭ تيگٸزٸپ جاتقان شاراپاتى مول دەۋگە بولادى. قالتالى ازاماتتار ٶزدەرٸنٸڭ يەلٸگٸندەگٸ سپورت كەشەندەرٸندە كٷندٸزگٸ ۋاقىتتا اۋىل بالالارىنىڭ تەگٸن جاتتىعۋىنا جاعداي جاساي باستادى. سولاردىڭ بٸرٸ – «ارمان ارەنا» سپورت كەشەنٸ.
بيىل قىركٷيەك ايىندا ٸسكە قوسىلعان كەشەندە بٸر لەكتە 60 ادام سپورتپەن اينالىسا الادى. جەكە كەسٸپكەر نۇرعالي تەجٸباەۆ نىساننىڭ قۇرىلىس جۇمىستارىنا 35 ملن. تەڭگە جۇمساپتى. جالپى, اۋداندا بٷگٸندە دەل وسىنداي 16 فۋتبول الاڭى بار. جىل سوڭىنا دەيٸن ولاردىڭ قاتارىنا تاعى ەكەۋٸ قوسىلماق.
