تٷركٸستان وبلىسىنداعى دەنساۋلىعىنا بايلانىستى ٷيٸندە وتىرعان ارداگەرلەر مەن زەينەتكەرلەردٸڭ دە داۋىس بەرۋٸنە جاعداي جاسالۋدا. سايلاۋ كوميسسيياسىنىڭ مٷشەلەرٸ وسىنداي ازاماتتاردىڭ ٷيٸنە بارىپ, ٶز تاڭداۋلارىن جاساۋىن قامتاماسىز ەتۋدە, دەپ حابارلايدى "ۇلت اقپارات".
سايرام اۋدانىنا قاراستى قارامۇرت اۋىلىندا تۇراتىن 103 جاستاعى قارت انا توتىاي تٶلەگەنوۆا دا بٷگٸن سايلاۋعا بٸر كٸسٸدەي داۋىس بەردٸ. ەكٸنشٸ دٷنيەجٷزٸلٸك سوعىستىڭ ارداگەرٸ سانالاتىن ەجەيدٸڭ 5 ۇلى بار. سونداي-اق, 17 نەمەرە مەن 54 شٶبەرەنٸڭ ەجەسٸ اتانىپ وتىر. ٶز كەزەگٸندە ٷيٸنە كەلٸپ, تاڭداۋ جاساۋعا كٶمەك كٶرسەتكەن كوميسسييا مٷشەلەرٸنە زەينەتكەر العىسىن بٸلدٸرٸپ, اق باتاسىن بەردٸ.
ايتا كەتەيٸك, اتالعان اۋدان تۇرعىندارى سايلاۋ ناۋقانىندا ەرەكشە بەلسەندٸلٸك تانىتىپ وتىر. ال, سايلاۋ ۋچاسكەسٸنە العاشقى بولىپ كەلگەن 5 سايلاۋشىعا ارنايى سىيلىقتار تاپسىرىلعان بولاتىن. مۇنداي قۇرمەت سايلاۋعا العاش رەت قاتىسقان ەڭ جاس تۇرعىنعا دا كٶرسەتٸلدٸ. جالپى سايرام اۋدانىندا ٷش اۋىلدىق وكرۋگتەگٸ 12 سايلاۋ ۋچاسكەسٸندە داۋىس بەرۋ پروتسەسٸ جٷرٸپ جاتىر.
