Túrkistan oblysyndaǵy densaýlyǵyna bailanysty úiinde otyrǵan ardagerler men zeinetkerlerdiń de daýys berýine jaǵdai jasalýda. Sailaý komissiiasynyń músheleri osyndai azamattardyń úiine baryp, óz tańdaýlaryn jasaýyn qamtamasyz etýde, dep habarlaidy "Ult aqparat".
Sairam aýdanyna qarasty Qaramurt aýylynda turatyn 103 jastaǵy qart ana Totyai Tólegenova da búgin sailaýǵa bir kisidei daýys berdi. Ekinshi dúniejúzilik soǵystyń ardageri sanalatyn ájeidiń 5 uly bar. Sondai-aq, 17 nemere men 54 shóbereniń ájesi atanyp otyr. Óz kezeginde úiine kelip, tańdaý jasaýǵa kómek kórsetken komissiia múshelerine zeinetker alǵysyn bildirip, aq batasyn berdi.
Aita keteiik, atalǵan aýdan turǵyndary sailaý naýqanynda erekshe belsendilik tanytyp otyr. Al, sailaý ýchaskesine alǵashqy bolyp kelgen 5 sailaýshyǵa arnaiy syilyqtar tapsyrylǵan bolatyn. Mundai qurmet sailaýǵa alǵash ret qatysqan eń jas turǵynǵa da kórsetildi. Jalpy Sairam aýdanynda úsh aýyldyq okrýgtegi 12 sailaý ýchaskesinde daýys berý protsesi júrip jatyr.
