سايلاۋالدى ۋەدەسٸن ورىنداماعان دەپۋتاتتى سايلاۋشىلار كەرٸ قايتارۋعا مٷمكٸندٸك الادى. بۇل تۋرالى كونستيتۋتسييالىق كەڭەستٸڭ اپپارات جەتەكشٸسٸ باقىت نۇرمۇحانوۆ ايتتى, دەپ حابارلايدى قازاقپارات.
«رەسپۋبليكا پرەزيدەنتٸ قاسىم-جومارت توقاەۆتىڭ بيىلعى قازاقستان حالقىنا جولداۋى ەلٸمٸزدە جٷرگٸزٸلٸپ جاتقان دەموكراتييالىق پروتسەستەرگە تىڭ سەرپٸن بەردٸ. وندا جاڭا قازاقستاننىڭ كەلبەتٸ, ونى قۇرۋ باعىتىندا تۇرعان مٸندەتتەر جەنە ول مٸندەتتەردٸ شەشۋ جولدارى انىق كٶرسەتٸلدٸ. ايتىلعان باستامالاردىڭ كٶپشٸلٸگٸ اتا زاڭدا بەكٸتٸلگەن قوعام مەن مەملەكەتتٸڭ نەگٸزدەرٸن قوزعايدى. وسى ماقساتتا قۇرىلعان جۇمىس توبى كونستيتۋتسيياعا تٷزەتۋلەردٸڭ جوباسىن ۇسىندى. جۇمىس توبىنا مەملەكەتتٸك ورگاندارمەن قاتار ٷكٸمەتتٸك ەمەس ۇيىمداردىڭ ٶكٸلدەرٸ جەنە ەلٸمٸزدەگٸ تانىمال زاڭگەر-عالىمدار قاتىستى. زاڭ جوباسىندا قازٸرگٸ تاڭدا ەلٸمٸزدە قالىپتاسقان سۋپەرپرەزيدەنتتٸك باسقارۋ نىسانىن ودان ارى جەتٸلدٸرۋ كٶزدەلگەن. بۇل ماقساتتى مەملەكەت باسشىسى ٶزٸنٸڭ بٸرقاتار ٶكٸلەتتٸگٸن باسقا ورگاندارعا بەرەدٸ نەمەسە ولارمەن كەلٸسە وتىرىپ اتقارادى. بۇل سوڭعى جىلدارى ەلٸمٸزدە جٷرگٸزٸلٸپ جاتقان ورتالىقسىزداندىرۋ پروتسەسٸنٸڭ جالعاسى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
سونىمەن قاتار, ول 2017 جىلى ەلٸمٸزدە بولعان ٷشٸنشٸ كونستيتۋتسييالىق رەفورمانىڭ نەتيجەسٸندە مەملەكەت باسشىسى ٶزٸنٸڭ بٸرقاتار ٶكٸلەتتٸگٸن پارلامەنت پەن ٷكٸمەتكە بەرگەنٸن ەسكە سالدى.
«پارلامەنت پەن جەرگٸلٸكتٸ ٶكٸلدٸ ورگانداردىڭ رٶلٸن كٷشەيتۋ كٶزدەلگەن. پالاتالاردى جاساقتاۋ تەرتٸبٸ مەن ولاردىڭ فۋنكتسييالارىندا دا دا ەلەۋلٸ ٶزگەرٸستەر بار. پرەزيدەنتتٸڭ سەناتتاعى كۆوتاسى 15-تەن 10-عا دەيٸن قىسقارتىلىپ, ونىڭ 5-ەۋٸن قازاقستان حالقى اسسامبلەياسى ۇسىناتىن بولادى. مەجٸلٸس سايلاۋىندا ارالاس سايلاۋ جٷيەسٸ ەنگٸزٸلەدٸ. مەجٸلٸستٸڭ 30 پايىز دەپۋتاتتارى 1 مانداتتى اۋماقتىق سايلاۋ وكرۋگتەرٸ بويىنشا سايلانادى جەنە سايلاۋالدى ۋەدەسٸن ورىنداماعان دەپۋتاتتى سايلاۋشىلار كەرٸ قايتارۋعا مٷمكٸندٸك الادى», - دەدٸ باقىت نۇرمۇحانوۆ.
