باتىس قازاقستان وبلىسىندا سايلاۋ كوميسسيياسىنىڭ تٶراعاسى عايسا قاپاقوۆ ٶڭٸردەگٸ داۋىس بەرۋ بارىسىن ايتىپ بەردٸ, دەپ حابارلايدى قازاقپارات.
«بٷگٸندە وبلىس بويىنشا 79 سايلاۋ ۋچاسكەسٸ جۇمىس ٸستەيدٸ. كوميسسييانىڭ 488 مٷشەسٸ سايلاۋ ۋچاسكەلەرٸنٸڭ جۇمىسىن قامتاماسىز ەتەدٸ. كوميسسييانىڭ بارلىق مٷشەلەرٸ ورتالىق سايلاۋ كوميسسيياسىنىڭ تالاپتارىنا سەيكەس كەسٸبي دايىندىق رەسٸمٸنەن ٶتتٸ. بٷگٸن تاڭەرتەڭ بارلىعى وسك-نىڭ ەدٸستەمەلٸك نۇسقاۋىنا سەيكەس اشىلۋ رەسٸمٸن ٶتكٸزدٸ», - دەدٸ قاپاقوۆ ورالدا ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە.
ەزٸرگە باتىس قازاقستان وبلىسى بويىنشا تۇرعىنداردىڭ 29% داۋىس بەردٸ, ونىڭ ٸشٸندە اقجايىق اۋدانى – 16%, بٶكەي ورداسى اۋدانى – 29%, بٶرٸلٸ اۋدانى – 23%, جاڭاقالا اۋدانى – 33%, قاراتٶبە اۋدانى – 34%, بەيتەرەك اۋدانى - 34%, سىرىم اۋدانى - 41% كٶرسەتكٸشكە يە.
«بەلسەندٸ قاتىسىپ, تۇرعىنداردىڭ 40-50%-ى داۋىس بەرگەن اۋىلدار بار. كەي اۋىلداردا سايلاۋشىلاردىڭ بەلسەندٸلٸگٸ ٶتە جوعارى», - دەيدٸ قاپاقوۆ.
ايتا كەتەيٸك, بٷگٸن تەۋەلسٸز قازاقستاننىڭ تاريحىندا تۇڭعىش رەت اۋىل, كەنت, اۋىلدىق وكرۋگ جەنە اۋداندىق ماڭىزداعى قالا ەكٸمدەرٸنٸڭ سايلاۋى ٶتٸپ جاتىر.
اۋماقتىق سايلاۋ كوميسسييالارىنىڭ مەلٸمەتٸنشە, بارلىعى 730 سايلاۋ وكرۋگٸندە 2582 كانديدات ۇسىنىلعان. ونىڭ 2297-ٸ تٸركەۋدەن ٶتكەن.
كانديداتتاردىڭ باسىم بٶلٸگٸ – ٶز-ٶزٸن ۇسىنۋشىلار.
سايلاۋ تۋرالى زاڭناماعا ەنگٸزٸلگەن تولىقتىرۋلار مەن تٷزەتۋلەردٸڭ ارقاسىندا اۋىل ەكٸمدەرٸنٸڭ سايلاۋىنا تٷسكٸسٸ كەلەتٸن ٷمٸتكەرگە ٶز-ٶزٸن ۇسىنۋ مٷمكٸندٸگٸ بەرٸلگەن بولاتىن.
وسى مٷمكٸندٸكتٸ بۇل جولعى سايلاۋدا 1419 ادام پايدالانىپ وتىر.
