Batys Qazaqstan oblysynda sailaý komissiiasynyń tóraǵasy Ǵaisa Qapaqov óńirdegi daýys berý barysyn aityp berdi, dep habarlaidy QazAqparat.
«Búginde oblys boiynsha 79 sailaý ýchaskesi jumys isteidi. Komissiianyń 488 múshesi sailaý ýchaskeleriniń jumysyn qamtamasyz etedi. Komissiianyń barlyq músheleri Ortalyq sailaý komissiiasynyń talaptaryna sáikes kásibi daiyndyq rásiminen ótti. Búgin tańerteń barlyǵy OSK-nyń ádistemelik nusqaýyna sáikes ashylý rásimin ótkizdi», - dedi Qapaqov Oralda Óńirlik kommýnikatsiialar qyzmetinde ótken brifingte.
Ázirge Batys qazaqstan oblysy boiynsha turǵyndardyń 29% daýys berdi, onyń ishinde Aqjaiyq aýdany – 16%, Bókei ordasy aýdany – 29%, Bórili aýdany – 23%, Jańaqala aýdany – 33%, Qaratóbe aýdany – 34%, Báiterek aýdany - 34%, Syrym aýdany - 41% kórsetkishke ie.
«Belsendi qatysyp, turǵyndardyń 40-50%-y daýys bergen aýyldar bar. Kei aýyldarda sailaýshylardyń belsendiligi óte joǵary», - deidi Qapaqov.
Aita keteiik, búgin táýelsiz Qazaqstannyń tarihynda tuńǵysh ret aýyl, kent, aýyldyq okrýg jáne aýdandyq mańyzdaǵy qala ákimderiniń sailaýy ótip jatyr.
Aýmaqtyq sailaý komissiialarynyń málimetinshe, barlyǵy 730 sailaý okrýginde 2582 kandidat usynylǵan. Onyń 2297-i tirkeýden ótken.
Kandidattardyń basym bóligi – óz-ózin usynýshylar.
Sailaý týraly zańnamaǵa engizilgen tolyqtyrýlar men túzetýlerdiń arqasynda aýyl ákimderiniń sailaýyna túskisi keletin úmitkerge óz-ózin usyný múmkindigi berilgen bolatyn.
Osy múmkindikti bul jolǵy sailaýda 1419 adam paidalanyp otyr.
