ەقىۇ بايقاۋشىلارى ميسسيياسىنىڭ جەتەكشٸسٸ ياروسلاۆ دومانسكي قازاقستانداعى مەجٸلٸس پەن مەسليحات دەپۋتاتتارىن سايلاۋ بارىسىندا قانداي جايتتارعا ەرەكشە نازار اۋدارىلاتىنىن ايتىپ بەردٸ, دەپ حابارلايدى قازاقپارات.
«سايلاۋ نەبەرٸ بٸر كٷننٸڭ ٸشٸندە ٶتە شىعاتىن ٸس-شارا ەمەس. ٶيتكەنٸ, سايلاۋعا دەيٸن جەنە سايلاۋدان كەيٸن دە ورىن الاتىن پروتسەستەر بار. ولار سايلاۋ پروتسەسٸنٸڭ بارىنشا ماڭىزدى بٶلٸگٸ سانالادى. مٸنە, وسىعان وراي بٸز ميسسييامىزدىڭ اياسىندا اتالعان پروتسەستەردٸڭ بارلىعىن قامتيتىن بولامىز. بۇل ميسسييا قازاقستانداعى سايلاۋلاردى بايقاۋ جٶنٸندەگٸ 11-شٸ شەكتەۋلٸ ميسسييا سانالادى», - دەدٸ ول ەلوردادا ٶتكەن باسپاسٶز مەسليحاتىندا.
ونىڭ اتاپ ٶتۋٸنشە, ەقىۇ دەموكراتييالىق ينستيتۋتتار جەنە ادام قۇقىقتارى بيۋروسىنىڭ العاشقى ميسسيياسى - 1999 جىلى, ال سوڭعى ميسسيياسى 2019 جىلدىڭ ماۋسىمىندا بايقاۋشى رەتٸندە قاتىستى.
«ٶتكەن جىلى مٷددەلٸ تاراپتارمەن ٶتە جاقسى ىنتىماقتاستىققا كۋە بولدىق. بيىل دا وسى سايلاۋ ناۋقانى بارىسىندا دەل سونداي ىنتىماقتاستىقتىڭ جالعاسۋىن تاعاتسىزدان كٷتەمٸز. العاشقى كەزدەسۋ وسى باسپاسٶز مەسليحاتى اياقتالعاننان كەيٸن قر ٸشكٸ ٸستەر مينيسترلٸگٸمەن ٶتەدٸ. ودان كەيٸن ورتالىق سايلاۋ كوميسسيياسىندا كەزدەسۋ بولادى», - دەدٸ ياروسلاۆ دومانسكي.
سونىمەن قاتار ول قازاقستانداعى دەپۋتاتتار سايلاۋى كەزٸندە ەقىۇ بايقاۋشىلارى ميسسيياسىنىڭ قۇرامىندا قانداي ساراپشىلار بولاتىندىعىن ايتىپ بەردٸ.
«بۇل ميسسييا تەك قىسقامەرزٸمدٸ بايقاۋشىلاردان عانا جاساقتالمايدى. نەگٸزٸنەن ۇزاقمەرزٸمدٸ بايقاۋشىلار جۇمىس ٸستەيدٸ جەنە سايلاۋعا قاتىستى ساراپشىلاردىڭ نەگٸزگٸ كومانداسى وسىدان ەكٸ كٷن بۇرىن نۇر-سۇلتان قالاسىنا كەلدٸ. ونىڭ قۇرامىندا 10 قاتىسۋشى ەلدەن 11 ساراپشى بار. ولاردىڭ بارلىعى قۇقىقتىق, سايلاۋ, ساياسي جەنە باق-قا قاتىستى مەسەلەلەر بويىنشا ساراپشىلار سانالادى», - دەدٸ ول.
ەقىۇ ميسسيياسىنىڭ جەتەكشٸسٸ بايقاۋشىلار سايلاۋ پروتسەسٸنٸڭ بارلىق ماڭىزدى ەلەمەنتتەرٸن سارالايتىنىن باسا ايتتى.
«دٷيسەنبٸ كٷنٸ بٸزگە 10 قاتىسۋشى ەلدەن 24 ۇزاقمەرزٸمدٸ بايقاۋشى كەلٸپ قوسىلادى. نۇر-سۇلتان قالاسىندا بريفينگ ٶتكٸزگەننەن كەيٸن ولار بٷكٸل ەل اۋماعىنا بٶلٸنەدٸ. بۇل سايلاۋ ناۋقانىندا ورىن الاتىن جايتتىڭ بارلىعىن قامتۋ ٷشٸن جاسالىپ وتىر جەنە ولار سايلاۋ ٶتكەن كٷننەن كەيٸن دە وسىندا قالادى. سايلاۋ بيۋرونىڭ بارلىق ەدٸستەمەلەرٸنە ساي ٶتەدٸ دەپ ٷمٸتتەنەمٸز. بۇل سايلاۋدىڭ بۇۇ مٸندەتتەمەلەرٸنە, دەموكراتييالىق سايلاۋلارمەن بايلانىستى ستاندارتتارعا, سونىمەن قاتار قازاقستاننىڭ ۇلتتىق زاڭناماسىنا سەيكەس كەلەتٸندٸگٸنە باقىلاۋ جاساي الامىز دەپ ويلايمىز», - دەدٸ ياروسلاۆ دومانسكي.
