«امانات» ازاماتتىق پلاتفورماسى بٷگٸنگٸ كەزەكتەن تىس پرەزيدەنت سايلاۋىنىڭ ارالىق قورىتىندىسىن جارييالادى, دەپ حابارلايدى Baq.kz اگەنتتٸگٸ.
پلاتفورما جەتەكشٸسٸ مۇرات ەبەنوۆتٸڭ ايتۋىنشا, توپ اتىنان 10145 باقىلاۋشى سايلاۋ ۋچاسكەلەرٸندە 1,5 اي بويى جۇمىس ٸستەگەن.
«تالاي سايلاۋدى كٶرٸپ كەلەمٸز. بيىلعىسى ەرەكشە بولدى. ازاماتتاردىڭ ساياساتقا قىزىعۋشىلىعى ارتقانىن بايقادىق. سىن كٶزبەن قارايتىن ادامداردى كٶپ كەزدەستٸردٸك. نەگٸزٸ بٸز زاڭبۇزۋشىلىقتاردى كٶزگە شۇقىپ كٶرسەتۋدەن بۇرىن, ونىڭ سەبەپتەرٸن انىقتاپ, الداعى ۋاقىتتا بولدىرماۋدىڭ جولىن قاراستىردىق. كەمشٸلٸكتەر مەن زاڭبۇزۋشىلىقتار بولدى. ەلٸ دە جيناقتاپ, توپتاستىرىپ جاتىرمىز. 18 كٷردەلٸ زاڭبۇزۋشىلىق انىقتادىق. بيۋلەتەندەردٸ توپتاپ سالۋدا 8 وقيعا تٸركەلدٸ. سونداي-اق, 165 اۋىزشا ەسكەرتۋ جاسالىپ, سول سەتتە جويىلدى» - دەدٸ ول.
ازاماتتىق پلاتفورما مٷشەسٸ شىڭعىس لەپسٸباەۆ بيۋلەتەندەردٸ توپتاپ تاستاۋ دەرەكتەرٸ شىعىس قازاقستان, ماڭعىستاۋ, قىزىلوردا وبلىستارى مەن الماتى, نۇر-سۇلتان, شىمكەن قالالارىندا ورىن العانىن ايتتى.
پلاتفورمانىڭ تاعى بٸر مٷشەسٸ ەكٸم تۇرسىن اتالمىش زاڭبۇزۋشىلىقتار دەر كەزٸندە انىقتالىپ, جولى كەسٸلگەنٸن جەتكٸزدٸ.
«بٸز انىقتاعان دەرەكتەردٸڭ بارلىعىندا بيۋلەتەندەردٸڭ توپتاپ تاستالۋىنا جول بەرٸلگەن جوق. ول وقيعالار بويىنشا دا اكت تولتىرىلىپ, قۇزىرلى ورگاندارعا بەرٸلدٸ. ەگەر زاڭسىزدىقتار دەلەلدەنسە, ول ادامدار زاڭ الدىندا جاۋاپ بەرەدٸ», - دەدٸ ەكٸم تۇرسىن.
ازاماتتىق پلاتفورما ٶكٸلدەرٸ بۇل مەلٸمەتتەردٸڭ بارلىعى ارالىق قورىتىندى ەكەنٸن اتادى. جالپى سايلاۋ كٷنٸندەگٸ جۇمىستاردىڭ تولىق قورىتىندىسى ەرتەڭ جارييالانباق.
