قر اقپارات جەنە قوعامدىق دامۋ مينيسترٸ ايدا بالاەۆا ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسيياعا كٶمەك رەتٸندە مينيسترلٸك سايتىندا عالىمداردىڭ ماتەريالىن جارييالايتىن پاراقشا اشۋدى ۇسىندى, دەپ حابارلايدى قازاقپارات.
«جاس عالىمداردىڭ كوميسسييا جۇمىسىنا قوسىلۋ جەنە قاتىسۋ مٷمكٸندٸگٸن قاراستىرۋ قاجەت دەپ سانايمىن, ٶيتكەنٸ بۇل جاس تاريحشىلاردىڭ عىلىمي ٸزدەنٸستەرٸ ٷشٸن جاعداي جاساۋعا ىقپال ەتەدٸ. ارحيۆتەردٸڭ قولجەتٸمدٸ بولۋى دا – تاپتىرماس مٷمكٸندٸك. ٶڭٸرلەردە دە بٸرەگەي جۇمىستار جٷرگٸزٸلٸپ جاتىر, ٶيتكەنٸ بۇل جاس عالىمداردىڭ جۇمىسىن ٶڭٸرلٸك دەڭگەيدە ۇيىمداستىرۋعا كٶمەكتەسەدٸ. مۇنىڭ بەرٸن بٸر الاڭعا نەگٸزدەۋ كەرەكتٸگٸ تٷسٸنٸكتٸ. كوميسسيياعا كٶمەك رەتٸندە بٸزدٸڭ سايتىمىزدا عالىمداردىڭ ماتەريالدارىن, عىلىمي ماقالالارىن جارييالاي الاتىن جەكە پاراقشا قۇرۋدى ۇسىنامىن. وسىلايشا بٸز ولاردى بٶلەك جٷيەلەي الامىز», - دەدٸ ا. بالاەۆا «الجير» كەشەنٸندە جاس عالىمدارمەن كەزدەسۋدە.
ونىڭ ايتۋىنشا, بۇل جۇمىسقا بارشا قوعامدى تارتۋ قاجەت.
«جەكەلەگەن جۇمىس توپتارى جۇمىس ٸستەيتٸنٸ تٷسٸنٸكتٸ. مۇندا بٷكٸل قوعامدى بايلانىستىرۋ ماڭىزدى. ٶيتكەنٸ, ەربٸر قازاقستاندىق وتباسىنىڭ ٶز تاريحى بار, ەربٸر ادام مۇراعاتتى جەكە ەستەلٸكتەرمەن تولىقتىرا الادى جەنە ولارعا اشىق تٷردە قولجەتٸمدٸ ەتۋگە بولادى. سوندىقتان اقپارات جەنە قوعامدىق دامۋ مينيسترلٸگٸ رەتٸندە جاس عالىمدارعا ٶز ەلەۋەتٸن كەڭٸنەن پايدالانۋعا, تيٸسٸنشە حالىقارالىق ەرٸپتەستەرٸنٸڭ نازارىن اۋدارۋعا مٷمكٸندٸك بەرۋ ٷشٸن جەكە اقپاراتتىق الاڭدار, ايدارلار, باعدارلامالار قۇرۋعا دايىنبىز», - دەدٸ مينيستر.
مينيستر بۇل مەسەلەدە حالىقارالىق دەڭگەيدە ٶزارا ٸس-قيمىل قۇرۋ ماڭىزدى ەكەنٸن اتاپ ٶتتٸ.
«مەسەلەن, «الجير» بٸرەگەي كەشەنٸنە جىل سايىن كٶپتەگەن ەلدەردٸڭ ەلشٸلٸكتەرٸ كەلەدٸ. ەربٸر ەل مۇندا انالارى, ەجەلەرٸ جەرلەنگەنٸن كٶرسەتكٸسٸ كەلەدٸ. بەينەجازبا تٷسٸرەدٸ, گٷل شوعىن قويادى. بۇل جاس عالىمداردى باسقا ەلدەردە تۇراتىن ەرٸپتەستەرٸمەن بايلانىسۋعا ىنتالاندىرادى. حالىقارالىق دەڭگەيدە ٶزارا ٸس-قيمىل جاساۋ ٶتە ماڭىزدى, ٶيتكەنٸ بۇل كوميسسييانىڭ تيٸمدٸ جۇمىس ٸستەۋٸنە ىقپال ەتەدٸ, وسىنداي قايعىلى وقيعالارعا تاپ بولعان ەلدەردٸ جوباعا تارتۋعا مٷمكٸندٸك بەرەدٸ», - دەدٸ ايدا بالاەۆا.
