«حابار» رەسپۋبليكالىق تەلەارناسىنداعى «جەتٸ كٷن» اپتالىق-ساراپتامالىق باعدارلاماسىندا ساياساتتانۋشىلار مەن مەدەنيەت قايراتكەرلەرٸ مەملەكەت باسشىسى قاسىم-جومارت توقاەۆتىڭ سۇحباتىنا وراي پٸكٸر بٸلدٸردٸ, دەپ حابارلايدى قازاقپارات.
ايتا كەتەيٸك, پرەزيدەنت وسى اپتادا «Qazaqstan» تەلەارناسىنداعى سۇحباتتا بٸرقاتار ماڭىزدى مەسەلەگە قاتىستى ناقتى جاۋاپ بەرٸپ, قاڭتار وقيعاسىنان كەيٸن ەلٸمٸزدە قالىپتاسقان جاعدايعا كەڭٸنەن توقتالىپ ٶتكەن بولاتىن.
بۇل تۇرعىدا قولدانبالى ەتنوساياسي زەرتتەۋلەر ينستيتۋتىنىڭ ديرەكتورى تالعات قاليەۆ قازاقستان شەكاراسىن بۇزۋ مٷمكٸن ەمەس دەگەن ويىن ايتتى. «ٶيتكەنٸ بارلىق كٶرشٸلەس ەلدەرمەن بٸزدٸڭ شەكارامىز حالىقارالىق دەڭگەيدە بەكٸتٸلگەن. وسى ورايدا ەلٸمٸزدٸڭ تۇتاستىعى مەڭگٸ بولادى دەپ ويلايىن», - دەدٸ ول.
ٶز كەزەگٸندە سەنات دەپۋتات دانا نۇرجٸگٸت پرەزيدەنت قاسىم-جومارت توقاەۆتىڭ ايتىپ جاتقان رەفورمالارى جەي عانا سٶز ەمەس ەكەنٸن, ناقتى مٸندەتتەردٸ ٸسكە اسىرۋعا باعىتتالعانىن جەتكٸزدٸ.
«رەفورما دەگەنٸمٸز – جٷيە قۇرۋ. بۇل تۇرعىدا «كٸم نە ٷشٸن جاۋاپ بەرەدٸ», «كٸم كٸمنەن كەيٸن نەگە جاۋاپ بەرۋٸ كەرەك», ياعني ەرقايسىمىزدىڭ ەرەكەتٸمٸز – فۋنكتسييامىز انىقتالۋى كەرەك. ٶيتكەنٸ بارلىعى ارالاسىپ كەتكەن», - دەدٸ سەناتور.
ال قازاقستاننىڭ ەڭبەك سٸڭٸرگەن قايراتكەرٸ جەڭٸس سەيدوللاۇلى ٶنەر ادامدارى, مەدەنيەت قايراتكەرلەرٸ جاڭا قازاقستاندى قۇرۋعا اتسالىسۋى كەرەك ەكەنٸن ايتتى. «سوندا عانا بٸرلٸگٸمٸز بەكەمدەلٸپ, ەلٸمٸز كٶركەيە تٷسەدٸ. بۇل بٸزدٸڭ ٶسكەلەڭ ۇرپاق الدىنداعى مٸندەمٸز دەپ ويلايمىن», - دەدٸ ەنشٸ.
سونىمەن قاتار, قازاقستاننىڭ حالىق ەرتٸسٸ تٸلەكتەس مەيراموۆ پرەزيدەنت حالىقتى ەڭبەكقورلىققا باۋلۋعا ەرەكشە ەكپٸن قويعانىن اتاپ ٶتتٸ. بۇل تۇرعىدا ەڭبەكقورلىق قاسيەتٸن قانىمىزعا سٸڭٸرٸپ, ماسىلدىق پسيحولوگييادان ارىلۋ باعىتىندا تيٸستٸ جۇمىستاردى اتقارۋ ماڭىزدى.
ايتا كەتەيٸك, بيىل 8 اقپاندا قر پرەزيدەنتٸ ٷكٸمەت وتىرىسىندا شەتەلگە زاڭسىز شىعارىلعان قارجىنى قايتارۋ جٶنٸندە تاپسىرما بەرگەن ەدٸ.
وسىعان بايلانىستى ساياساتتانۋشى قازبەك مايگەلدينوۆ سوڭعى مەلٸمەتتەر بويىنشا 40-تان استام مەملەكەتتە قازاقستاننىڭ اقشاسى جاتقانىن, بۇل قاراجات تٷرلٸ سەكتوردا ەرتاراپتاندىرىلعانىن ايتتى.
«بۇل رەتتە باسقا مەملەكەت ەكەنٸن, بٶتەن ەلدٸڭ زاڭى, باسقا ەلدٸڭ قارجى ساياساتى بار ەكەنٸن ەسكەرۋ كەرەك. ول جاقتان اقشانى شىعارىپ الۋ ٷشٸن ەۋەلٸ ناقتى تۇلعالاردى, ناقتى مەكەنٸن انىقتاپ الۋ قاجەت», - دەدٸ مايگەلدينوۆ.
مۇنىمەن قوسا ساياساتتانۋشى ايدار ەمٸرەباەۆ قازٸر ەلٸمٸزدە «حالىق ٷنٸنە قۇلاق اساتىن مەملەكەت» ۇستانىمىنا ەكپٸن قويىلىپ وتىرعانىن ەسكە سالدى.
«حالىقتى ەستيتٸن مەملەكەت بٸرٸنشٸ كەزەكتە باسشىدان باستالۋى كەرەك دەپ ويلايمىن. سوندىقتان تەلەارنادا بولعان سۇحباتتا مەملەكەت باسشىسى بۇل جاعدايدى تيياناقتى كٶرسەتكەنٸن بايقادىق», - دەدٸ ەمٸرەباەۆ.
