قر عىلىم جەنە جوعارى بٸلٸم مينيسترٸ ساياسات نۇربەك جاڭا ۆەدومستۆونىڭ قالاي قۇرىلعانىن ايتىپ بەردٸ, دەپ حابارلايدى قازاقپارات.
ونىڭ ايتۋىنشا, بٸلٸم جەنە عىلىم مينيسترلٸكتەرٸن بٶلۋ مەسەلەسٸ قوعامدا 2-3 جىلداي تالقىلانعان.
«حالىقارالىق تەجٸريبەدە دە مۇنىڭ بٸرنەشە ٷلگٸسٸ بار. مەسەلەن, كٶرشٸلەس ٶزبەكستاندا مەكتەپكە دەيٸنگٸ, بٸلٸم جەنە جوعارى بٸلٸم بويىنشا ٷش مينيسترلٸك بار. 2018 جىلى رەسەي فەدەراتسيياسى دا جوعارى بٸلٸم جەنە اعارتۋ مينيسترلٸگٸ دەپ ەكٸگە بٶلدٸ. سوندىقتان, پرەزيدەنت بٷكٸل ۇسىنىستاردى, ساراپشىلاردىڭ پٸكٸرلەرٸن تىڭداپ, وسىنداي شەشٸم قابىلدادى. ٶتكەن ايدىڭ باسىندا ٶزٸمدٸ شاقىرىپ, وسى عىلىم جەنە جوعارى بٸلٸم مينيسترلٸگٸ قۇرىلىپ جاتقانىن, مەنٸڭ جوعارى بٸلٸمگە قاتىستى ۇسىنىستارىم ۇناپ جٷرگەنٸن ايتتى. ٶزدەرٸڭٸزگە بەلگٸلٸ, مەن پرەزيدەنت جانىنداعى ۇلتتىق كەڭەستٸڭ مٷشەسٸ بولدىم, وندا 2-3 رەت كەزدەسٸپ, كادر دايارلاۋ, جوعارى بٸلٸم, قولدانبالى عىلىم جٶنٸندە پٸكٸرلەرٸمدٸ ايتقان ەدٸم. مەن بٸردەن كەلٸستٸم, ٶيتكەنٸ قازٸر پرەزيدەنتتٸڭ «جاڭا قازاقستان» تۇجىرىمداماسىن قولداۋىمىز كەرەك», - دەدٸ ساياسات نۇربەك قر پرەزيدەنتٸ تەلەراديوكەشەنٸنٸڭ «3 سۇراق» باعدارلاماسىندا.
سونىمەن بٸرگە, ساياسات نۇربەك پرەزيدەنتپەن كەزدەسۋ قالاي ٶتكەنٸن ەسكە الدى.
«كەزدەسۋ ٶتە جاقسى بولدى, پرەزيدەنت كٶتەرٸڭكٸ كٶڭٸل-كٷيدە بولدى. بٸراق جاۋاپكەرشٸلٸك تە ٶتە اۋىر ەكەنٸن ايتتى. ەسٸمدە قالعان نەگٸزگٸ وي – «ساياسات, سٸز «جاڭا قازاقستاننىڭ» جاڭا مينيسترٸ بولىپ تاعايىندالىپ وتىرسىز. سوندىقتان جاۋاپكەرشٸلٸك سٸزدٸڭ يىعىڭىزدا بولادى, جٷيەلٸ پروبلەمالار جينالىپ قالدى, عىلىمنىڭ قازٸرگٸ مەرتەبەسٸ, عالىمنىڭ قوعامداعى ورنى, لاۋازىمى, اتاعى مٷلدەم تٷسٸپ قالدى. سوندىقتان, عىلىمنىڭ, عالىمنىڭ, پروفەسسوردىڭ قوعامداعى مەرتەبەسٸن كٶتەرۋگە باسا مەن بەرٸڭٸز» دەپ تاپسىرما بەردٸ. جەنە دە كادر دايارلاۋ مەسەلەسٸ – «جاڭا قازاقستاننىڭ» نەگٸزگٸ ٸرگەتاسى, نەگٸزگٸ باسىم باعىتى بولعانىن ايتىپ كەتتٸ. سوندىقتان مەن سول جاۋاپكەرشٸلٸكتٸ تٷسٸنٸپ, العىسىمدى ايتىپ, پرەزيدەنتتٸڭ قولداۋىن سۇرادىم. ٶيتكەنٸ, شىنىندا دا قازٸر جاڭا جٷيەلٸ رەفورمالاردى باستاۋ دا وڭاي بولماس», - دەيدٸ عىلىم مينيسترٸ.
ونىڭ ايتۋىنشا, ەسكٸ بٸلٸم جەنە عىلىم مينيسترلٸگٸنەن 99 ادام عىلىم مينيسترلٸگٸنە اۋىسادى.
«ەرينە بۇل جەتكٸلٸكسٸز, سوندىقتان پرەمەر-مينيستر مەن ەكونوميكا مينيسترلٸگٸنٸڭ قولداۋىمەن 310 شتاتتى الىپ جاتىرمىز. بۇل جۇمىس جالعاسادى, وسى جىلدىڭ سوڭىنا دەيٸن 200-250 ادامعا جەتكٸزەمٸز (...) مينيستر بولعاننان كەيٸن ٶمٸر قاتتى ٶزگەردٸ. كٷندە دەمالىسسىز جۇمىس ٸستەيمٸز. جاڭا مينيسترلٸك نەمەسە جاڭا مەكەمە قۇرۋدىڭ ٷش فورماتى بار. بٸرٸنشٸ فورماتى – دايىن مينيسترلٸككە, دايىن اپپاراتقا كەلۋ جەنە جۇمىستى ەرٸ قاراي جالعاستىرۋ. ەكٸنشٸ فورمات – مٷلدەم جاڭا مەكەمە قۇرۋ جەنە ەڭ قيىنى ٷشٸنشٸ فورماتى ەكەن – جاڭا مينيسترلٸكتٸ قۇرۋ جەنە ەسكٸسٸنەن بٶلٸنٸپ كەتۋ», - دەدٸ س. نۇربەك.
