عىلىم جەنە جوعارى بٸلٸم مينيسترٸ ساياسات نۇربەك بالالارى كيپردە وقۋىن جالعاستىراتىنىن مەلٸمدەدٸ. ول سونداي-اق جۋرناليستەردەن وسى تاقىرىپتى بٸرجولاتا جابۋدى ٶتٸندٸ, دەپ حابارلايدى Ulysmedia.kz.
ەسكە سالا كەتسەك, مينيستردٸڭ بالالارى كيپردە وقيتىنى تۋرالى بۇعان دەيٸن حابارلانعان ەدٸ. وسى جىلدىڭ ماۋسىمىندا ٷكٸمەت كۋلۋارىندا جۋرناليستەر عىلىم جەنە جوعارى بٸلٸم مينيسترٸنەن بالالارى نەگە كيپردە وقيتىنىن سۇراعان.
«26 ماۋسىمدا بالالارىم قازاقستانعا ورالادى. سٸزدەرگە فوتومەن ەسەپ بەرەمٸن. ٶزٸم دە ولاردى اسىعا كٷتٸپ جٷرمٸن», - دەپ جاۋاپ بەرگەن بولاتىن سول كەزدە ساياسات نۇربەك.
وسىدان بٸرنەشە كٷن بۇرىن جۋرناليستەر مينيستردەن “بالالارىڭىز كيپردەن ورالدى ما?” دەپ سۇراق قويدى. الايدا مينيستر بۇل سۇراققا جاۋاپ بەرگٸسٸ كەلمەدٸ.
«بۇل - مەنٸڭ جەكە ٶمٸرٸمە قاتىستى سۇراق. اتالعان سۇراق مەنٸڭ بالالارىما وڭاي تيگەن جوق», - دەدٸ ول.
ساياسات نۇربەكتٸڭ سوڭىنان جۋرناليستەر تاعى سۇراق قويىپ, «قازاقستاننىڭ بٸلٸم ساپاسىنا سەنەسٸز بە?» دەپ ساۋال تاستادى. مينيستر «تولىق سەنەمٸن» دەگەن. «ەندەشە, نەگە بالالارىڭىز شەتەلدە وقيدى?» دەگەن سۇراققا ول جاۋاپ بەرمەي, ٷكٸمەت دەلٸزٸنەن اسىعىس شىعىپ كەتكەن ەدٸ.
ورتالىق كوممۋنيكاتسييالار الاڭىندا بٷگٸن ٶتكەن باسپاسٶز مەسليحاتىندا ساياسات نۇربەككە بۇل سۇراق تاعى قويىلدى.
«شىنىندا دا, بۇل سۇراققا نٷكتە قويايىقشى. جاعداي قالاي ەكەنٸن سٸزدەرگە تٷسٸندٸرەيٸن. راسىندا دا, ۋەدە ەتكەنٸمدەي, بالالارىم جازدا ەلگە ورالدى. ولار 4 جىلدان بەرٸ شەتەلدە, سولتٷستٸك كيپردە جەكە مەكتەپتە وقيدى. تەكسەرسەڭٸزدەر دە بولادى. بريتاندىق جەكە مەكتەپ. بٸلٸم ساپاسى ول جەردە ٶتە جاقسى. بٸزدٸڭ جەكە مەكتەپتەرگە قاراعاندا قىمبات تا ەمەس», - دەدٸ ول.
ساياسات نۇربەك وسى مەسەلە تۋراسىندا بالالارىمەن دۇرىستاپ ەڭگٸمەلەسكەنٸن, بالالارى ەدەۋٸر ٶسٸپ قالعانىن, اقىلدى ەكەنٸن اتاپ ٶتتٸ.
«شەتەلدٸك مەكتەپتەردٸڭ بٸر جاقسىسى, ولار بالالارعا ٶزدٸگٸمەن ويلاۋدى, سىني تۇرعىدا ويلاي بٸلۋدٸ ٷيرەتەدٸ. ولار ٶز تاڭداۋىن جاسادى. مەن ولاردىڭ شەشٸمٸن سىيلاۋىم كەرەك. ولار وقۋىن كيپردە جالعاستىرعانىمىز جٶن دەپ شەشتٸ. ولاردىڭ مەكتەپتە تاڭداۋداعى قۇقىعى سىيلاي كەلە, شەشٸمٸن قابىلداپ, كەلٸستٸم. قازٸر مەنٸڭ بارلىق كٷش-جٸگەرٸم مەن ۋاقىتىمدى ەلدەگٸ جوعارى بٸلٸم, ۋنيۆەرسيتەت عىلىمىنا جۇمساپ جاتىرمىن. سول سەبەپتٸ مەنٸڭ جەنە بالالارىمنىڭ قۇقىعىن قۇرمەتتەۋدٸ سۇرايمىن. جۇمىسىما قاتىستى كەز كەلگەن ديالوگقا دايىنمىن. كەز كەلگەن سىنعا نەمەسە ۇسىنىسقا ەزٸرمٸن. ال وسى تاقىرىپتى جابۋدى ۇسىنامىن», - دەپ تٷيدٸ سٶزٸن ساياسات نۇربەك.
