كوروناۆيرۋستىڭ تارالۋىنىڭ نەگٸزگٸ وشاعى وتباسى بولىپ وتىر. جاڭا وقيعالاردىڭ كٶبەيۋٸ وتباسىلىق ٸندەت وشاقتارىنىڭ ٷلەسٸنە تيەسٸلٸ. بۇل تۋرالى قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا ايتتى, دەپ حابارلايدى "ۇلت اقپارات" قالا ەكٸمٸنٸڭ باسپاسٶز قىزمەتٸنە سٸلتەمە جاساپ.
«ينفەكتسييانىڭ جاڭا وشاقتارى بايقالادى. بۇل - وتباسىلىق وشاقتار. كٷن سايىن بٸز اۋرۋدى جۇقتىرعان وتباسىنىڭ ەكٸ نەمەسە كەيدە 5-7 مٷشەسٸنەن ۆيرۋس تابامىز. وتباسىلىق مەرەكەلەردٸ ٶتكٸزۋ كەزٸندە ٸندەت جۇقتىرعاندار بايقالدى, بۇعان مٷلدەم جول بەرۋگە بولمايدى. كەي ادامداردىڭ سانيتارلىق نورمالاردى ساقتاماعان جاۋاپسىز ەرەكەتٸ كٸشكەنتاي بالالار, قارتتار مەن جٷكتٸ ەيەلٸ بار وتباسىنىڭ بارلىق مٷشەلەرٸنٸڭ جۇقتىرۋىنا ەكەلٸپ سوعادى. تٸپتٸ Covid-19 دياگنوزىمەن تٷسكەن جٷكتٸ ەيەلدٸڭ سەبيٸ دە كوروناۆيرۋسپەن تۋعان كەزٸ بولدى. بالالاردى انالارىنان بٶلەك ۇستاۋعا تۋرا كەلدٸ. كەي ادامدار ٶز دەنساۋلىعىن كٷتپەسە دە, جاقىندارىن ويلاۋى تيٸس. تەجٸريبە سوزىلمالى اۋرۋى جوق, دەنٸ ساۋ ادامنىڭ ٶزٸ كوروناۆيرۋستان جاتىپ قالۋى مٷمكٸن ەكەنٸن كٶرسەتٸپ وتىر. اعزا ينفەكتسييامەن كٷرەسە الماعان سوڭ جاساندى جەلدەتۋ اپپاراتىنا قوسۋعا تۋرا كەلدٸ. ەشبٸر جاعدايدا ٶزٸن-ٶزٸ ەمدەۋگە بولمايدى», – دەدٸ قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا.
بارلىق ينفەكتسييا جۇقتىرعانداردىڭ 75% - 18 بەن 59 جاس ارالىعىنداعىلار.
كوروناۆيرۋس پاندەميياسى باستالعاننان بەرٸ نۇر-سۇلتاندا 2543 ادام ينفەكتسييا جۇقتىردى: 34 ناۋقاستىڭ جاعدايى اۋىر, ونىڭ 12-سٸ ٶتە اۋىر جاعدايدا, ٶكپەنٸ جاساندى جەلدەتۋ اپپاراتىنا قوسىلعان, 10 ناۋقاس ٸندەتتەن كٶز جۇمدى. 1679 ناۋقاس (66 %) جازىلىپ شىقتى.
سەۋلە قيسىقوۆا سانيتارلىق نورمالاردى قاتاڭ ساقتاۋ كەرەكتٸگٸن اتاپ ٶتتٸ: اسا قاجەتتٸلٸك بولماسا ادام كٶپ جينالاتىن جەرلەرگە بارماۋ, قوعامدىق ورىندا ماسكا كيٸپ, اراقاشىقتىق ساقتاپ جەنە انتيسەپتيك پايدالانۋ كەرەك.
كوروناۆيرۋس جۇقتىرۋ قاۋپٸ ەلٸ جويىلعان جوق.
