|
بەلگٸلٸ جۋرناليست سەۋلە ەبٸلداحانقىزىنىڭ ۇلى باقيلىق بولعانىنا كٶپ ۋاقىت ٶتە قويمادى. اقىن قالقامان سارين انانىڭ قابىرعاسىن قايىستىرعان قايعىنى ٶلەڭ جولدارى ارقىلى ٶرنەكتەگەن. سەۋلە ەبٸلداحانقىزى سول جىر جولدارىن قالىڭ وقىرمانمەن ينستاگرام پاراقشاسىندا بٶلٸسٸپتٸ.
|
التى الاشقا اتى مەلٸم سەۋلە ەدٸم,
قانسىرادىم, قالماعانداي ساۋ جەرٸم.
قالدى-اۋ, قالدى-اۋ جەتپەي داۋا-دەرمەنٸم,
سولدى-اۋ, سولدى-اۋ كٶكتەي دەۋٸر-دەۋرەنٸم.
ۋا, تەڭٸرٸم,
بەرەن قىلىپ بەردٸڭ ۇل,
قايتىپ الدىڭ. شەمەن قىلىپ شەر-عۇمىر...
جاتىرىمدى جارىپ شىققان جالعىزدى,
قۇشاعىنا الىپ كەتتٸ جەر جۇمىر.
الىپ كەتتٸ جٸگٸت بولعان كەزٸندە,
ارمان بولعان, ٷمٸت بولعان كەزٸندە,
ۇلتىن سٷيٸپ ۇلىق بولعان كەزٸندە,
كەمەلٸنە كٷلٸپ تولعان كەزٸندە.
كٶڭٸل بٶلٸپ كٶركەم ەتٸپ كەشٸمدٸ,
كەلٸن كەلٸپ جالعايدى دەپ كٶشٸمدٸ
جٷرگەنٸمدە, الىپ اقىل-ەسٸمدٸ,
ٶلٸم كەلٸپ ٷمٸتٸمدٸ ٶشٸردٸ!..
التى الاشقا اتى مەلٸم سەۋلە ەدٸم,
بايتاق ەدٸم,
باقشالى ەدٸم, باۋلى ەدٸم,
اسقاق ەدٸم,
اسقار ەدٸم,
تاۋلى ەدٸم!
الاسۇردىم الاسارىپ زەۋ كٶگٸم.
** ** **
ٶمٸردەگٸ جەڭٸلٸسٸم, جەڭٸسٸم,
بەرٸ, بەرٸ, بەرٸ, بەرٸ سەن ٷشٸن.
بەرٸن جاساپ جاقسىلىقتىڭ سەن ٷشٸن,
كەرەك دەسە, دوستى ۇمىتتىم سەن ٷشٸن,
ۇلىم, ەشكٸم باسپاسىن دەپ ەڭسەڭدٸ,
تاۋ قوپارىپ, تاستى ٷگٸتتٸم سەن ٷشٸن.
كەشٸر, ۇلىم,
كەشٸر, مەنٸ,
كەش, ۇلىم,
تەڭٸر,
تاعدىر ەكٸ ەتپەيدٸ شەشٸمٸن.
مەرەكەمنٸڭ شىرقىن بۇزىپ كەتتٸ اجال,
بەرەكەمنٸڭ بۇزىپ كٸرٸپ ەسٸگٸن.
تٸرٸ بولىپ جٷرگەنٸممەن... جانسىزبىن,
ٶتٸپ جاتىر ماعىناسىز, مەنسٸز كٷن.
سەن اناڭنىڭ ايىپتاما كٶز جاسىن,
مەن اجالدىڭ الدىندا, ۇلىم, ەلسٸزبٸن...
** ** **
جالعىز ٶزٸڭ مىسىن باسىپ مىڭ ەزدٸڭ
جٷرۋشٸ ەدٸڭ, مەنٸڭ كٶركەم مٸنەزدٸم.
انا! - دەسەڭ جان-جٷرەكتٸ تەربەيتٸن,
سەنٸڭ ٷنٸڭ,
سەنٸڭ ٷنٸڭ -- شىن ٶزگە ٷن!
اناڭ بولدىم, اق سٷتٸمە رازىمىن,
جٸبەرەيٸن, بويىڭدى ەندٸ جاز, ۇلىم.
جازىمىشتى الدىم با ەكەن, جازعىرىپ,
كەشٸر, اللا, بولسا تٸلدەن جازىعىم?!
ەندٸ سەنٸڭ كٷلگەنٸڭ دە قۇر ەلەس,
كٷلٸم قاعىپ جٷرگەنٸڭ دە قۇر ەلەس.
دەل وسىنداي قاسٸرەتتٸ, قايعىنى,
ەشبٸر انا ەشبٸر جانعا تٸلەمەس.
جٷرەگٸمنٸڭ لٷپٸلٸندە قالاسىڭ,
بولمىسىمدا, بٸتٸمٸمدە قالاسىڭ.
"...جٸبەر" دەيدٸ, جٸبەرەيٸن بارا عوي,
قالادى ارتتا ازا تۇتىپ اناشىڭ.
اقىل-ويىڭ, پاراساتىڭ ەدەمٸ,
بەرٸ ٶزٸڭە جاراساتىن ەدەمٸ.
تامساندىرعان تاڭعاجايىپ ەلەمٸڭ,
قارسى الدىڭنان جول اشاتىن ەدەمٸ.
كۋە بولدىم سامعاۋىڭا, مىڭ شٷكٸر!
كۋە بولدىم ارمانىڭا, مىڭ شٷكٸر!
سەنٸ كٷتكەن اسىل, اسقاق سەزٸممەن,
تٷندەرٸمە, تاڭدارىما, مىڭ شٷكٸر!
از دا بولسا ول دا -- مۇرا, مىڭ شٷكٸر!
اينالدىڭ سەن قورعانىما, مىڭ شٷكٸر!
مەنٸڭ عانا عۇمىرىما بۇيىرىپ,
مەنٸڭ ۇلىم بولعانىڭا, مىڭ شٷكٸر!
