قازاقستان شەكاراسىن زاڭسىز كەسٸپ ٶتكەن قىتاي ازاماتى, ەتنيكالىق قازاق سايراگٷل ساۋىتباي ٸسٸنٸڭ باسى-قاسىندا جٷرگەن جۋرناليست سەۋلە ەبەدينوۆا Sputnik تٸلشٸسٸنە بەرگەن سۇحباتىن نازارلارىڭىزعا ۇسىنامىز!
سەۋلە ەبەدينوۆا ساۋىتبايدىڭ ٸسٸنە كٸرٸسۋٸنە ەڭ الدىمەن ادامي فاكتور ەسەر ەتكەنٸن ايتتى.
"ەڭ العاش سايراگٷلدٸڭ تاعدىرى تۋرالى Abai.kz سايتىنان وقىدىم. سايراگٷلدٸڭ قاينىسى نۇربولاتتىڭ "جەڭگەمدٸ شەكارا كٷزەت قىزمەتكەرلەرٸ الىپ كەتتٸ" دەگەن ۆيدەو ٷندەۋٸنەن كەيٸن Facebook پاراقشامدا تٸكەلەي ەفير جٷرگٸزدٸم. ول جەردە سايراگٷل ساۋىتبايدىڭ كٷيەۋٸ ۋەلي ٸسلەممەن سۇحباتتاستىق. "اتاجۇرت" بٸرلەستٸگٸ مەنٸ وقيتىن اۋديتورييانىڭ كەڭ ەكەنٸن ايتىپ, ۋەلي ٸسلەممەن تانىستىرعان بولاتىن. وسىعان دەيٸن دە ورالماندار مەسەلەسٸن, قىتايداعى قانداستار مەسەلەسٸن پاراقشامدا جازىپ جٷرگەنمٸن. كٶپ ۇزاماي سايراگٷلدٸڭ تاعدىرىمەن بەتپە-بەت كەلدٸك", — دەيدٸ جۋرناليست.
قازاقتىڭ تاريحىندا بٸرٸنشٸ رەت…
سايراگٷلدٸڭ ٸسٸمەن تانىسقان جۋرناليست سول كٷننەن باستاپ وسى ٸستٸ ەيەل رەتٸندە, انا رەتٸندە ٶز باقىلاۋىنا العانىن ايتتى. ٷشٸنشٸ كەزەكتە عانا كەسٸبي مامان, جۋرناليست رەتٸندە بۇل مەسەلەنٸ قاداعالاۋىم كەرەك دەپ شەشكەن. سونىمەن قاتار اتالعان ٸستٸ سوڭىنا دەيٸن جەتكٸزەمٸن دەپ ماقسات قويعان.
"العاشقى كەزدەرٸ بٸزدٸڭ جەرگٸلٸكتٸ, بۇرىننان وسىندا تۋىپ-ٶسكەن قازاق قوعامىنىڭ نازارىنا قانداستار مەسەلەسٸ ٸلٸگە بەرمەيتٸن. ول تەك ورالمانداردىڭ ٶز مەسەلەسٸ بولىپ قالاتىن. قانداستار بيلٸكتەن كٶمەك سۇراسا دا, شاعىمدانسا دا, ارىزدانسا دا تەك ٶز سٶلٸندە ٶزٸ قايناپ جاتقان ەلەۋمەتتٸك توپ ەدٸ. اراسىندا جەرگٸلٸكتٸ جۋرناليستەر ٶزەكتٸ مەسەلەلەرگە كەلگەندە ارالاستى" — دەيدٸ سەۋلە ەبەدينوۆا.
جۋرناليستٸڭ ايتۋىنشا, دەل وسى سايراگٷلدٸڭ تاعدىرىنداي بٷكٸل التى الاشتىڭ باسىن قوسقان مەسەلە قازاقتىڭ تاريحىندا بٸرٸنشٸ رەت بولىپ وتىر.
"سايراگٷل ساۋىتبايدان ساياساتكەر جاساۋدىڭ قاجەتٸ جوق"
"سايراگٷلگە قىتايدىڭ بارلىق قۇپيياسىن جايىپ سال دەپ ايتۋ ادامگەرشٸلٸككە جاتپايدى. سايراگٷل ساياساتكەر بولامىن دەپ نەمەسە قىتايدىڭ قۇپيياسىن بٷكٸل ەلەمگە اشىپ, قىتايمەن بٸردەن سوعىستى باستاپ كەتەمٸن دەپ كەلگەن جوق. سايراگٷل جاسىرىن كەلٸپ, بالا-شاعاسىمەن قاۋىشۋدى عانا ويلادى. سوندىقتان سايراگٷل ساۋىتبايدان ساياساتكەر جاساۋدىڭ قاجەتٸ جوق", — دەگەندٸ ايتتى جۋرناليست.
سەۋلە ەبەدينوۆا سايراگٷلگە ساياسي قۇرال رەتٸندە قاراپ, ونى قۇرباندىققا شالىپ جٸبەرۋدٸڭ قاجەتٸ جوق دەگەن پٸكٸردە.
"دەل قازٸر سايراگٷل سوت شەشٸمٸن ٶز كٷشٸنە ەنۋٸن كٷتٸپ وتىر. شەشٸم 15 كٷندە كٷشٸنە ەنەدٸ. ودان كەيٸن ٷش اي ٸشٸندە ونى بوسقىن دەپ تانۋ, تانىماۋدى كوميسسييا شەشەدٸ",-دەيدٸ سەۋلە ەبەدينوۆا.
"قىتاي جايىنا قالدىرمايدى…"
جۋرناليستٸڭ ايتۋىنشا, قىتاي سايراگٷل ساۋىتبايدى جايىنا قالدىرمايدى.
"ونى بەرٸمٸز بٸلەمٸز. سايراگٷل بٷكٸل اقپاراتتى جايىپ سالسا دا, ٶزٸ بٸلەتٸن اقپاراتتى ەشكٸمگە ايتپاي ٸشٸندە ساقتاسا دا, قىتاي ونى جايىنا قالدىرمايدى. دەل وسى مەسەلەدە ادۆوكات قر ۇلتتىق قاۋٸپسٸزدٸك قىزمەتٸنە بٸرنەشە رەت سايراگٷل ساۋىتبايدىڭ جەكە باسىنىڭ قاۋٸپسٸزدٸگٸن قامتاماسىز ەتۋ تۋرالى ٶتٸنٸش جولدادى", — دەيدٸ سەۋلە ەبەدينوۆا.
الايدا ادۆوكاتتىڭ ۇلتتىق قاۋٸپسٸزدٸك قىزمەتٸنە جولداعان ٶتٸنٸشتەرٸنە ەلٸ جاۋاپ كەلمەگەن.
ەستەرٸڭٸزگە سالا كەتسەك, قىتاي ازاماتى, شەكارادان زاڭسىز ٶتتٸ دەپ ايىپتالعان ەتنيكالىق قازاق سايراگٷل ساۋىتبايعا قاتىستى سوت ٷكٸمٸ 1 تامىزدا شىقتى. الماتى وبلىسىنىڭ پانفيلوۆ اۋداندىق سوتى قانداسىمىزدى 6 ايعا شارتتى تٷردە باس بوستاندىعىنان ايىرىپ, سوت زالىنان بوساتتى. وعان قازاقستان اۋماعىنان شىعارۋ تۋرالى قوسىمشا جازا قولدانىلمايدى. سايراگٷل ساۋىتباي التى اي پروباتسييالىق باقىلاۋدا بولادى.
