تٶرت سالماق ساناتى بويىنشا ەلەم چەمپيونى مەكسيكالىق ساۋل «كانەلو» الۆارەس (53-1-2, 36 كو) اقش-تىڭ تەحاس شتاتىندا بريتاندىق كاللۋم «Mundo» سميتكە (27-0-0,19كو) قارسى كەزەكتٸ جەكپە-جەگٸن ٶتكٸزدٸ, دەپ حابارلايدى "ۇلت اقپارات".
جەكپە-جەكتە ەكٸنشٸ ورتا سالماقتا WBC/WBA جەنە The Ring تيتۋلى ساراپقا سالىندى.
12 راۋندقا سوزىلعان ايقاستا مەكسيكالىق بوكسشى ايقىن باسىمدىلىق تانىتتى. ال بۇعان دەيٸن ەكٸنشٸ ورتا سالماقتا بٸرٸنشٸ ورىندا بولعان بريتاندىق بوكسشى باستاپقى 6 راۋندتا ساۋاتتى قارسىلىق كٶرسەتە بٸلدٸ. الايدا, ساۋل الۆارەس جەكپە-جەكتٸڭ ەكٸنشٸ جارتىسىنان باستاپ قارقىنىن ٷدەتە تٷستٸ.
قورتىندىسىندا, «كانەلو» تٶرەشٸلەردٸڭ بٸراۋىز شەشٸمٸمەن (119-109/119-109/117-111) جەڭٸسكە جەتٸپ, ەكٸنشٸ ورتا سالماقتا WBC/WBA جەنە The Ring تيتۋلىن جەڭٸپ الدى.
ايتا كەتەيٸك, ساۋل الۆارەس كەسٸپقوي بوكستاعى مانسابىن 2005 جىلى جارتىلىاي ورتا سالماقتان (welterweight/66,7كگ) باستاعان بولاتىن. 2011 جىلى بٸرٸنشٸ ورتاشا سالماقتا العاشقى چەمپيوندىق تيتۋلىن (WBC بەلدٸگٸ) يەمدەندٸ. 2015 جىلى ورتا سالماقتا WBC چەمپيونى اتانىپ, 2017-2018 جىلى قازاقستاندىق بوكسشى گەنناديي گولوۆكينمەن (40-1-1,35كو) جۇدىرىقتاستى. جەكپە-جەك قورتىندىسى داۋعا ۇلاسقانىنا قاراماستان, «كانەلو» ورتا سالماقتا WBC/WBA/IBF/IBO بەلدٸكتەرٸن يەلەندٸ.
سونداي-اق, ساۋل الۆارەس جارتىلاي اۋىر سالماق جەنە ەكٸنشٸ ورتا سالماقتا چەمپيوندىق تيتۋلدى جەڭٸپ الدى.
