ساۋد ارابييانىڭ باتىسىندا ورنالاسقان دجيددا قالاسىندا تابيعي اپات سالدارىنان ەكٸ ادام قازا تاپتى, - دەپ حابارلايدى Kaz.tengritravel.kz تٸلشٸسٸ Al Arabiya باسىلىمىنا سٸلتەمە جاساپ. ٷنەمٸ اپتاپ ىستىق بولاتىن ەلدە تولاسسىز جاڭبىر مەن قاتتى سوققان جەل تۇرىپ, دجيددا قالاسىن سۋ باستى.
"قازٸرگٸ ۋاقىتتا ەكٸ ادام قازا تاپقانى بەلگٸلٸ, تۇرعىندارعا ناقتى بٸر سەبەپ بولماعان جاعدايدا دالاعا شىقپاۋعا كەڭەس بەرەمٸز", - دەلٸنگەن مەككەنٸڭ ٶڭٸرلٸك بيلٸگٸ.
مەككە قالاسىنا جاقىن ورنالاسقان دجيددا قالاسىندا تٶرت ميلليونعا جۋىق ادام تۇرادى. كٶبٸنە قاجىلىققا بارۋشىلار وسى قالانىڭ ەۋەجايىنا قونىپ, ارى قاراي كٶلٸكپەن قاتىنايدى. ەۋەجايدىڭ جۇمىسى توقتادى. الايدا قازٸر سۋ تاسقىنى سالدارىنان قاجىلىققا باراتىندار ٷشٸن جولدار جابىلعان.
جەلٸدە دجيددا قالاسىنىڭ تۇرعىندارى سۋ باسقان كٶشەلەردٸڭ ۆيدەوسىن سالىپ جاتىر.
