اقتٶبەدە ەدەپ جٶنٸندەگٸ كەڭەس ەيتەكە بي اۋداندىق بٸلٸم بٶلٸمٸنٸڭ باسشىسى قانىش جارىمبەتوۆكە قاتىستى تەرتٸپتٸك ٸستٸ قارادى, دەپ حابارلايدى "ۇلت اقپارات".
بٷگٸن وبلىستىق مەملەكەتتٸك قىزمەت ٸستەرٸ جانىنداعى ەدەپ كەڭەسٸ بٸرنەشە مەملەكەتتٸك قىزمەتكەرلەرگە قاتىستى تەرتٸپتٸك ٸستٸ قارادى. ەيتەكە بي اۋداندىق بٸلٸم بٶلٸمٸنٸڭ باسشىسى قانىش جارىمبەتوۆ ەڭ بٸرٸنشٸ بولىپ جاۋاپ بەردٸ.
«قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اقتٶبە وبلىسى بويىنشا دەپارتامەنتٸ ە.مىرزاباەۆتىڭ ارىزى نەگٸزٸندە ەيتەكە بي اۋداندىق بٸلٸم بٶلٸمٸنٸڭ باسشىسى قانىش جارىمبەتوۆكە قاتىستى پارا الۋ فاكتٸسٸ بويىنشا قىلمىستىق ٸس قوزعالعان. ارىزدى قاراۋ بارىسىندا ق.جارىمبەتوۆ ەيتەكە بي اۋدانىنىڭ 22 مەكتەبٸ پەن 1 ينتەرناتىنا بەينەباقىلاۋ كامەراسىن قوندىرۋ كەزٸندە 40 ملن تەڭگە جۇمسالاتىنىن, مەملەكەتتٸك ساتىپ الۋ كونكۋرسى كەزٸندە جەڭٸمپاز رەتٸندە تانۋ جەنە ەرٸ قاراي قامقورشىلىق تانىتۋ ٷشٸن 7 000 000 تەڭگە تالاپ ەتكەنٸ ايتىلدى. الايدا قىلمىستىق ٸس 2021 جىلدىڭ 1-اقپانى كٷنٸ قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى توقتاتىلدى. «Whatsapp» جەلٸسٸ ارقىلى حات الماسۋ جازبالارىندا ە.جارىمبەتوۆ: «ٶتكەندەگٸ بار دەگەن دەگەنين كەرەك», «سەن وندا شەشٸپ دايىنداپ قوي», «مەن ٶزٸم المايم», «ادام جٸبەرەم», «مەن قولعا المايم. گوسپىن گو», «ەڭگٸمە بولىپ كەتەدٸ.بەرە الماسان سرازۋ ايت», «قولىما تيگەندە حابار بەرەم», «سمس وشير», «ماعان تەلەفونمەن ەڭگٸمە ايتپا»; ە.مۋرزاباەۆ: «قاشانعا? بانكتەن شەشۋ كەرەك, كانشا?» «وزينە بەرە سالايىن», «ورتاعا ەشكٸمدٸ قوسپاي». «مەندە دايىن», «قازٸر شەشٸپ قويام» «حاتتاعى جازىلعان حابارلاما سول كٷيٸ بەرٸلدٸ – رەد.) دەپ جازىپ, كەيٸن ونى «ەركٸن كٷرەس» سپورت كەشەنٸنٸڭ الدىنا ساعات 10:00-گە كەزدەسۋگە شاقىرعان», - دەدٸ وبلىستىق مەملەكەتتٸك قىزمەت ٸستەرٸ دەپارتامەنتٸ مەملەكەتتٸك قىزمەت سالاسىن باقىلاۋ باسقارماسىنىڭ باس مامانى لەززات قوناەۆا.
ەدەپ كەڭەسٸ كەزٸندە ەيتەكە بي اۋداندىق بٸلٸم بٶلٸمٸنٸڭ باسشىسى قانىش جارىمبەتوۆ ٶز كٸنەسٸن مويىندامادى.
«مەن – فيلولوگپىن. مەنٸڭ قاتە جازۋىم مٷمكٸن ەمەس. ال ماعان كٶرسەتٸلگەن, مەن جازدى دەگەن حابارلامادا قاتە كٶپ. بۇل باعىت بويىنشا قىلمىستىق ٸس توقتاتىلدى. مەن ٶز كٸنەمدى مويىندامايمىن», - دەدٸ قانىش جارىمبەتوۆ.
ەدەپ كەڭەسٸ ەيتەكە بي اۋداندىق بٸلٸم بٶلٸمٸنٸڭ باسشىسىن جۇمىستان شىعارۋ تٷرٸندەگٸ تەرتٸپتٸك جازا قولدانۋ تۋرالى شەشٸم قابىلدادى.
