فوتو: primeminister.kz
تٷركٸستان وبلىسىنىڭ ەكٸمٸ دارحان ساتىبالدى "سامۇرىق-قازىنا" قورى سالىپ بەرگەن قوجا احمەت ياسساۋي مۋزەيٸنٸڭ نە سەبەپتٸ اشىلماي جاتقانىن ايتتى, - دەپ حابارلايدى Sputnik قازاقستان.
بٷگٸن ورتالىق كوممۋنيكاتسييالار قىزمەتٸندە ٶتكەن بريفينگتە جۋرناليستەر ٷش جىل بۇرىن سالىنعان نىسان تۋرالى ساۋال قويدى.
"2020 جىلى قوجا احمەت ياسساۋي مۋزەيٸ سالىنعان بولاتىن. قۇنى – 3,3 ملرد تەڭگە. بٸراق ونى ەلٸ كٷنگە دەيٸن پايدالانۋعا بەرگەن جوق. قۇرىلىس كەزٸندە كٶپتەگەن كەمشٸلٸك بولدى دەيدٸ. ناقتى سەبەبٸ قانداي? مۋزەي نەگە اشىلماي جاتىر? ال, ەڭ باستىسى, اقشا قايدا كەتتٸ?", - دەپ سۇرادى تٸلشٸلەر.
وبلىس باسشىسى مۋزەيدٸڭ ٷش جىل بۇرىن تاپسىرىلعانىن راستادى. ونى "سامۇرىق-قازىنا" قورى سالىپ بەرگەن. ودان كەيٸن سول نىساندى تٷركٸستان ەكٸمدٸگٸنە اقىسىز رەسٸمدەگەن.
"بٸراق نىساندى قابىلداعاندا ٸشكٸ ەرلەۋ جۇمىستارى بولماعان. وسىعان بايلانىستى قالا ەكٸمدٸگٸ مۋزەيدٸڭ ٸشٸن بەزەندٸرۋگە قوسىمشا قاراجات قاراستىرعان ەدٸ. الايدا نىسان ەلٸ پايدالانۋعا بەرٸلمەدٸ. مەن ٶزٸم بارىپ كٶردٸم... بٸراق الدىمەن بۇل مەسەلەنٸڭ انىق-قانىعىنا كٶز جەتكٸزگٸم كەلٸپ تۇر", - دەدٸ ساتىبالدى.
وسى ورايدا ەكٸم تەكسەرٸستٸڭ قالاي جٷرگٸزٸلەتٸنٸن تٷسٸندٸردٸ. ونىڭ ايتۋىنشا, الدىمەن بارلىق ماتەريال قۇقىق قورعاۋ ورگاندارىنا جٸبەرٸلەدٸ. ولار ٸشكٸ اۋديت قىزمەتٸن تارتىپ, نىسانعا جۇمسالعان قارجىنىڭ قانشالىقتى نەگٸزدٸ بولعانىن تەكسەرەدٸ.
"نەگٸزٸ كەلٸسٸمنٸڭ مەرزٸمٸ 2023 جىلدىڭ اياعىنا دەيٸن بەلگٸلەنگەن. بٸراق بارلىق مەن-جايدى انىقتامايىنشا مەن ول نىساندى قابىلدامايمىن", - دەدٸ وبلىس باسشىسى.
