رەسپۋبليكالىق بيۋدجەتتەن تولىق قارجىلاندىرىلاتىن بولسا, الماتى مەتروسىنىڭ ەكٸ جاڭا بەكەتٸ - سارىارقا جەنە دوستىق 2021 جىلدىڭ جەلتوقسان ايىندا پايدالانۋعا بەرٸلەدٸ, دەپ حابارلايدى "ۇلت اقپارات".
الماتى قالالىق موبيلدٸلٸك باسقارماسىنىڭ مەلٸمەتٸنشٸ, ەكٸنشٸ كەزەڭنٸڭ ينۆەستيتسييالىق قۇنى - 67 922,38 ملن تەڭگە.
جالپى, ستانسالار قۇرىلىسى باستالعالى 63 278,28 ملن تەڭگە بٶلٸندٸ, ونىڭ 52 629,58 ملن تەڭگەسٸ يگەرٸلدٸ.
«2021 جىلعا ارنالعان بەكٸتٸلگەن بيۋدجەت اياسىندا 10 648,69 ملن تەڭگە بٶلٸندٸ, ونىڭ 10 396,97 ملن تەڭگەسٸ رەسپۋبليكالىق بيۋدجەتتەن, قالعانى جەرگٸلٸكتٸ بيۋدجەتتەن قاراستىرىلعان. رەسپۋبليكالىق بيۋدجەتتەن تولىق قارجىلاندىرىلاتىن بولسا, «سارىارقا» جەنە «دوستىق» ستانسالارىنىڭ قۇرىلىسىن اياقتاۋ بيىلعى جىلدىڭ جەلتوقسانىنا جوسپارلانعان» دەپ اتاپ ٶتتٸ باسقارمادان.
سونىمەن قاتار, باسقارماداعىلار بارلىق مەترو ستانسالارى Wi-Fi تەستٸك رەجيمدە ٸسكە قوسىلعانىن اتاپ ٶتتٸ.
قازٸرگٸ ۋاقىتتا توننەلدەرگە جەنە ەلەكتر جىلجىمالى قۇرامىنا قوندىرعىلار ورناتۋ جۇمىستارى جٷرگٸزٸلۋدە.
2018 جىلى «Hyundai Rotem» اق-مەن مەترو ۆاگوندارىن ساتىپ الۋ تۋرالى كەلٸسٸمگە قول قويىلدى.
«قازٸرگٸ ۋاقىتتا مەترو پويىزىنىڭ ەكەۋٸ جەتكٸزٸلدٸ. قالعان التاۋى 2021 جىلدىڭ بٸرٸنشٸ جارتىجىلدىعىنىڭ سوڭىنا دەيٸن ەكەلٸنەدٸ. 2018-2019 جىلدارى رەسپۋبليكالىق جەنە جەرگٸلٸكتٸ بيۋدجەتەن 14 089,7 ملن تەڭگە (اۆانستىق جەنە ارالىق تٶلەم) بٶلٸندٸ. 2021 جىلى تٷپكٸلٸكتٸ تٶلەمدٸ جٷزەگە اسىرۋ ٷشٸن رەسپۋبليكالىق بيۋدجەتتٸ ناقتىلاۋعا 18 660,122 ملن تەڭگە ٶتٸنٸم جٸبەرٸلدٸ» دەپ حابارلادى قالالىق موبيلدٸلٸك باسقارماسى.
