قر ەنەرگەتيكا ۆيتسە-مينيسترٸ ماعزۇم مىرزاعاليەۆ «سارىارقا» گاز قۇبىرىنىڭ قۇرىلىسى تۋرالى ايتىپ بەردٸ, دەپ xابارلايدى قازاقپارات تٸلشٸسٸ.
«سارىارقا» گاز قۇبىرى الدىمەن قىزىلوردا, جەزقازعان, قاراعاندى, تەمٸرتاۋ مەن نۇر-سۇلتان باعىتى بويىنشا سالىنادى. بۇل - قۇرىلىستىڭ العاشقى كەزەڭٸ. وسىنىڭ ارقاسىندا قۇبىرعا جاقىن ورنالاسقان 740 مىڭ ادامدى تابيعي گازبەن قامتاسىز ەتۋگە مٷمكٸندٸك بار. ەرينە, ينفراقۇرىلىمنىڭ سالىنۋىنا قاراي گاز تۇتىناتىن ادامداردىڭ سانى ارتادى. ٶتكەن جىلى تامىز ايىندا ٷكٸمەت جوبانىڭ سىزبا-نۇسقاسى مەن قارجىلاندىرۋ شارتتارىن ماقۇلدادى. جوبانىڭ قۇنى - 267,3 ملرد تەڭگە. قاراشا ايىندا «استاناگاز قمگ» اق مەن مەردٸگەر كومپانييا - «قازقۇرىلىسقىزمەت» اق اراسىندا تيٸستٸ كەلٸسٸمشارتقا قول قويىلدى. قازٸرگٸ كەزدە بارلىق قاجەتتٸ تەxنيكا مەن ماماندار تارتىلدى. دەنەكەرلەۋ جۇمىستارى باستالدى. «سارىارقا» گاز قۇبىرىنىڭ, شامامەن, 1300 مەترٸ سالىندى», - دەدٸ م.مىرزاعاليەۆ قر مەجٸلٸسٸندە ٶتكەن «دٶڭگەلەك ٷستەلدە».
ۆيتسە-مينيستردٸڭ ايتۋىنشا, بٷگٸندە قاراعاندى مەن اقمولا وبلىسىندا, سونداي-اق, نۇر-سۇلتان قالاسىندا گاز قۇبىرىنا قوسىلىپ, شيكٸزاتتى xالىققا تاراتۋ بويىنشا دايىندىق جۇمىستارى باستالدى. جالپى, الداعى ٷش جىلدا ايماقتاردا گاز ينفراقۇرىلىمىن دامىتۋعا قوسىمشا قارجى قاراستىرىلعان. بۇدان بٶلەك, 2030 جىلعا دەيٸن رەسپۋبليكالىق بيۋدجەتتەن تاعى شامامەن 157 ملرد تەڭگە بٶلٸنەدٸ.
«وسى اقشا نۇر-سۇلتان قالاسىن, قاراعاندى, باتىس قازاقستان, اقتٶبە, ماڭعىستاۋ مەن اقمولا وبلىستارىن گازداندىرۋعا جۇمسالادى», - دەپ اتاپ كٶرسەتتٸ م.مىرزاعاليەۆ.
