دەرەتحاناعا تٷسٸپ كەتكەن بالاردى قۇتقارعان پوليتسييا مايورى نۇرداۋلەت ەدٸلوۆ «ەرلٸگٸ ٷشٸن» مەدالٸمەن ماراپاتتالدى, - دەپ حابارلايدى قازاقپارات.
وقيعا جىل باسىندا سارىاعاش قالاسىندا بولعان ەدٸ.
اۋداندىق پوليتسييا بٶلٸمٸنە حابارلاسقان جەرگٸلٸكتٸ تۇرعىن, 3 جاسار ۇلى مەن 10 جاسار قىزىنىڭ اۋلاداعى دەرەتحانا ٸشٸنە ابايسىزدا تٷسٸپ كەتكەنٸن ايتىپ كٶمەك سۇراعان.
حابارلامانى بٸرٸنشٸ بولىپ العان سارىاعاش اپب ۋچاسكەلٸك پوليتسييا ينسپەكتورلارى, پوليتسييا مايورى نۇرداۋلەت ەدٸلوۆ پەن پوليتسييا كاپيتانى اسىل ەرەجەپوۆ, پوليتسييا اعا لەيتەنانتى ايسۇلتان ساپار وقيعا ورنىنان تابىلدى.
«5 مەترلٸك ەجەتحانا ٸشٸندەگٸ نەجٸس 10 جاسار قىزدىڭ يىعىنا دەيٸن جەتكەن ەكەن. ال, جاسٶسپٸرٸم قىز جانىنداعى 3 جاسار ٸنٸسٸن نەجٸسكە باتىپ كەتپەسٸ ٷشٸن كٶتەرٸپ ۇستاپ تۇردى. بەتوننان جاسالعان ەجەتحانا ەدەنٸن تەمٸر قۇرالمەن سوققىلاپ بۇزدىق. بالالارعا قاۋٸپ تٶنبەسٸ ٷشٸن, ٶزٸندٸك ەدٸسپەن ەرەكەت ەتتٸك»,-دەيدٸ نۇرداۋلەت ەدٸلوۆ.
ادام سيياتىنداي ورىن اشىلعان سوڭ, پوليتسييا مايورى ەجەتحانا ٸشٸنە تٷسٸپ, بالالاردى امان ەسەن الىپ شىققان بولاتىن. وقيعاعا كۋە بولعان كٶرشٸلەر دە ۋچاسكەلٸك ينسپەكتورلارعا العىستارىن ايتىپ, ريزاشىلىقتارىن جەتكٸزدٸ.
جاڭا جىل مەرەكەسٸنٸڭ قارساڭىندا نۇرداۋلەت ەدٸلوۆ قر پرەزيدەنتٸ ق.توقاەۆتىڭ جارلىعىمەن «ەرلٸگٸ ٷشٸن» مەدالٸمەن ماراپاتتالدى.
بٷگٸندە ۋچاسكەلٸك پوليتسييا ينسپەكتورى ەرٸپتەستەرٸمەن بٸرگە 21 000 تۇرعىنى بار قاپلانبەك اۋىلدىق وكرۋگٸندە قىزمەت ەتۋدە.
كٷندەلٸكتٸ ٶزٸنە بەكٸتٸلگەن اۋماقتى ارالاپ, قىلمىستى بولدىرماۋ مەن الدىن الۋ جۇمىستارىن اتقارىپ كەلەدٸ.
