تٷركٸستان وبلىسى, سارىاعاش اۋدانىنىڭ شارۋالارى ٷي ماڭىنداعى جەردٸ تيٸمدٸ پايدالانۋدا. بٸرٸ اۋلاسىنا كٶكٶنٸس داقىلدارىن ەكسە, ەندٸ بٸرٸ تروپيكالىق جەمٸس ليمون ٶسٸرۋگە بولاتىنىن دەلەلدەۋدە, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
وسىعان وراي, اۋداننىڭ كەسٸپكەرلٸك جەنە اۋىل شارۋاشىلىعى بٶلٸمٸنٸڭ باسشىسى ا.اميرحانوۆ اقجار اۋىلدىق وكرۋگٸ, باعىس ەلدٸ مەكەنٸنٸڭ تۇرعىنى تانسىقباەۆ ماناتەلٸنٸڭ «دايان» شارۋا قوجالىعىنا ارنايى بارىپ, ليمون شارۋاشىلىعىمەن تانىسىپ قايتتى.
بٷگٸنگٸ تاڭدا كەسٸپكەر ٶزٸنٸڭ شارۋا قوجالىعىنا تيەسٸلٸ 60 سوتتىق جىلىجايىندا «مەير» سۇرىپتى ليمون ٶسٸرۋدە.
«جىلدىق كٶشەتتٸڭ العاشقى ەكٸ جىلىندا گٷلدەرٸن تەرٸپ الىپ تاستاۋ قاجەت, سٶيتٸپ ونىڭ بويىن ٶسٸرۋگە كٷش سالۋ كەرەك. وسى ەدٸستٸ قولدانعاندا ٷشٸنشٸ جىلى كٶشەت 20 كەلٸ, تٶرتٸنشٸ جىلى 50 كەلٸ ٶنٸم بەرە باستايدى. جىل ٶتكەن سايىن بەرەر جەمٸسٸ دە مولايا تٷسەدٸ. قازٸرگٸ تاڭدا جىلىجايداعى ليمون اعاشتارىنان 50-60 توننا ٶنٸم جينالۋدا», دەدٸ كەسٸپكەر.
ليمون بۇتاقتارىنان جينالعان ٶنٸم ٸشكٸ نارىقتا ساۋدالانىپ جاتىر.
سونىمەن قاتار جىلىجايدا ليمون ٶسٸرگٸسٸ كەلەتٸندەر كەسٸپكەردەن قالامشادان ٶنٸپ شىعاتىن ليمون كٶشەتتەرٸن الىپ كەتۋدە. كەسٸپ باستاعىسى كەلەتٸندەرگە اقىل-كەڭەسٸن ايتىپ, تەجٸريبەسٸمەن بٶلٸسۋگە دايىن تانسىقباەۆ ماناتەلٸ ليمون كٶشەتٸن ٶزٸنەن العاندارعا وسىلايشا شاراپاتىن تيگٸزبەك.
بٷگٸنگٸ تاڭدا اۋداندا جالپى 683,2 گا جىلىجاي ورنالاسقان. بيىل وسى جىلىجايلاردان 95,0 مىڭ توننادان استام ٶنٸم جينالدى.
