تٷركٸستان وبلىسىندا بيىل 34 مەكتەپ اشىلادى. سولاردىڭ بٸرٸ – سارىاعاش قالاسى, «سامال» مٶلتەك اۋدانىندا سالىنۋدا. سارىاعاش اۋدانىنىڭ ەكٸمٸ م.وتارشيەۆ قۇرىلىسى اياقتالۋعا جاقىن 900 ورىندىق مەكتەپتٸڭ قۇرىلىسىمەن تانىستى, دەپ حابارلايدى «ۇلت اقپارات» تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
جىل ساناپ بالا سانىنىڭ ٶسۋٸنە بايلانىستى №60 «سامال» جالپى ورتا مەكتەبٸ ٷش اۋىسىمعا ٶتۋ قاۋپٸ تۋىنداعان بولاتىن. وسىعان وراي, جاڭا مەكتەپ عيماراتىن سالۋ ٷشٸن اۋدان ەكٸمٸنٸڭ تاپسىرماسىنا سەيكەس جوبالىق-سمەتالىق قۇجاتتاما ەزٸرلەنٸپ, بٷگٸنگٸ تاڭدا مەكتەپ عيماراتىنىڭ قۇرىلىسى اياقتالۋدا.
قازٸرگٸ تاڭدا مەكتەپتٸڭ قۇرىلىس جۇمىستارىن «جاڭا ارنا 2002» جشس-ٸ جٷرگٸزۋدە. جاڭا بٸلٸم عيماراتىنىڭ جالپى اۋماعى – 2,6 گەكتاردى قۇرايدى. اتالعان اۋماقتا وقۋ كورپۋستارى, فيزيكا, حيمييا, بيولوگييا كابينەتتەرٸ, اسحانا سونداي-اق سپورت الاڭشاسى ورنالاسقان. جوسپارعا سەيكەس, اتالعان بٸلٸم مەكەمەسٸ بيىل قازان ايىندا تاپسىرىلماق.
قۇرىلىس نىسانىن ارالاۋ بارىسىندا اۋدان ەكٸمٸ تيٸستٸ سالا باسشىلارىنا تالاپ قويىپ, ورىن العان كەمشٸلٸكتەردٸ تٷزەتۋدٸ تاپسىردى. سونداي-اق بەلگٸلەنگەن كەستەگە سەيكەس قۇرىلىس نىسانىن ەل يگٸلٸگٸنە تاپسىرۋ كەرەكتٸگٸن ايتتى. سونىمەن بٸرگە وقۋشىلاردىڭ قاۋٸپسٸزدٸگٸ ٷشٸن جاڭا مەكتەپ عيماراتىندا بەينەباقىلاۋ جٷيەسٸن ورناتۋ قاراستىرىلعان.
ايتا كەتسەك, بٷگٸنگٸ تاڭدا اۋدان بويىنشا 7 مەكتەپتٸڭ قۇرىلىسى جٷرگٸزٸلۋدە. ونىڭ ٸشٸندە 3 مەكتەپ بيىل پايدالانۋعا بەرٸلسە قالعان 4 مەكتەپتٸڭ قۇرىلىسى كەلەسٸ جىلى اياقتالادى دەپ جوسپارلانعان.
