جەتٸسۋ وبلىسىنىڭ سارقان اۋدانىندا قوقىستان باسى بٸر بٶلەك, دەنەسٸ بٸر بٶلەك كٷيٸندە تابىلعان 5 جاستاعى قىزدى ٶلتٸرگەن اناسى مەن ناعاشى اعاسى سوتتالدى. بٷگٸن ولارعا سوت ٷكٸمٸ شىعىپ, ەرقايسىسى 15 جىلعا تەمٸر تورعا قامالدى, - دەپ حابارلايدى قازاقپارات اگەنتتٸگٸ.
ەستەرٸڭٸزگە سالا كەتەيٸك, وسىدان 7 اي بۇرىن سارقان قالاسىنىڭ شەتٸندەگٸ قوقىستان 5 جاستاعى قىزدىڭ مٷردەسٸ تابىلعان بولاتىن. ارۋجان ەسٸمدٸ قىزدىڭ مەيٸتٸ قوقىستا 3 اي بويى جاتقانى بەلگٸلٸ بولدى. قۇر قاڭقاسى عانا قالعان بالانىڭ مەيٸتٸن دالادا ويناپ جٷرگەن بالالار تاۋىپ العان.
انىقتالعانداي, قىزدى تۋعان اناسى مەن ناعاشى اعاسى قىلقىندىرىپ ٶلتٸرٸپ, قوقىسقا تاستاپ كەتكەن. ال ٶلتٸرٸلگەن بالانى اناسى 14 جاسىندا بوسانىپتى. ونى سول كەزدە اعاسى زورلاپ, جٷكتٸ بولىپ قالعان.
قازٸر 20 جاستاعى اناسى ٷشٸنشٸ بالاسىنا اياعى اۋىر. ەندٸ ول بۇل سەبيٸن تەمٸر توردا دٷنيەگە ەكەلەدٸ. ايتا كەتەيٸك, سوتتالىپ جاتقان اقنيەت پەن اقتٸلەك - تۋعان اعايىندى. ولاردىڭ اتا-اناسى قايتىس بولعان.
«جاس بالانى ٶلتٸرۋ فاكتٸسٸ بويىنشا ناعاشى اعاسى مەن شەشەسٸنە قاتىستى سوت ٷكٸمٸ جارييالانىپ, ولارعا 15 جىلدان باسبوستاندىعىنان ايىرۋ جازاسى تاعايىندالدى. تولىعىراق ايتىپ كەتەتٸن بولساق, بالانىڭ ناعاشى اعاسى مەن شەشەسٸ الدىن الا سٶز بايلاسۋ ارقىلى جاس بالانى ٶلتٸرٸپ, دەنەسٸن قوقىس الاڭىنا قالتىرىپ كەتكەن. سوت وتىرىسىندا ولار ٶز كٸنەلارىن مويىندادى», - دەدٸ جەتٸسۋ وبلىستىق سوتىنىڭ رەسمي ٶكٸلٸ نۇرسۇلتان ورىنباساروۆ.
