اقتٶبە گارنيزونى ەسكەري سوتى قر ۇلتتىق ۇلانىنىڭ 5548 ەسكەري بٶلٸمٸندە قىزمەت ەتكەن ستارشيناعا بيلٸكتٸ اسىرا پايدالانعانى ٷشٸن 1 جىلعا باس بوستاندىعىنان ايىرۋ جازاسىن تاعايىندادى, دەپ حابارلايدى ult.kz.
ٸس ماتەريالدارىنا سەيكەس, وقيعا بيىل قاڭتار ايىندا جاڭاٶزەن قالاسىنداعى ەسكەري بٶلٸمدە بولعان. تەرگەۋ مەلٸمەتٸنشە, ەكٸنشٸ جەدەل ماقساتتاعى باتالوننىڭ 5-جەدەل ماقساتتاعى روتاسىنىڭ ستارشيناسى س. قاسىموۆ جەكە قۇرامدى ساپقا تۇرعىزىپ, جاتتىعۋ كەزٸندە مەرزٸمدٸ ەسكەري قىزمەتشٸنٸ بالاعاتتاپ, ونىڭ قابىرعا تۇسىنان ٷش رەت تەپكەن. سونىڭ سالدارىنان ساربازدىڭ جەتٸنشٸ قابىرعاسى سىنعان.
سوت بارىسىندا ايىپتالۋشى ٶز كٸنەسٸن مويىنداماي, ەسكەري قىزمەتشٸلەر اراسىنداعى داۋدى توقتاتۋ ٷشٸن عانا ساپقا تۇرعىزعانىن, ەشكٸمگە قول كٶتەرمەگەنٸن ايتتى. سونداي-اق جەبٸرلەنۋشٸ ٶزٸنە جالا جاۋىپ وتىرعانىن مەلٸمدەدٸ.
ال جەبٸرلەنۋشٸ العاشقىدا بولعان جايتتى جاسىرىپ كەلگەنٸن, ەكٸ اپتادان كەيٸن قان تٷكٸرٸپ, قابىرعاسى قاتتى اۋىرا باستاعان سوڭ فەلدشەرگە جٷگٸنگەنٸن جەتكٸزدٸ. كەيٸن بۇل تۋرالى اناسىنا حابارلاپ, وقيعا ەسكەري بٶلٸم كومانديرٸنە مەلٸم بولعان. وسىدان كەيٸن ەسكەري-تەرگەۋ باسقارماسى قىلمىستىق ٸس قوزعاپ, تەرگەۋ جٷرگٸزگەن.
سوت ماتەريالدارىنا سەيكەس, وقيعا بولعان بٶلمەنٸڭ كٸرەبەرٸسٸندە بەينەباقىلاۋ كامەراسى بولعانىمەن, جازبا ساقتالماعان. سەبەبٸ بۇعان دەيٸن ٶزگە قىلمىستىق ٸس بويىنشا بەينەماتەريالدار الىنعاندىقتان, وقيعا سەتٸ تٸركەلمەگەن.
سوت س. قاسىموۆتى قر قىلمىستىق كودەكسٸنٸڭ 451-بابىنىڭ 1-بٶلٸگٸ بويىنشا كٸنەلٸ دەپ تانىپ, 1 جىلعا باس بوستاندىعىنان ايىردى. ول جازاسىن قىلمىستىق-اتقارۋ جٷيەسٸنٸڭ قاۋٸپسٸزدٸگٸ بارىنشا تٶمەن مەكەمەسٸندە ٶتەيدٸ.
سونىمەن قاتار سوت جەبٸرلەنۋشٸنٸڭ ازاماتتىق تالاپ ارىزىن ٸشٸنارا قاناعاتتاندىرىپ, وعان 700 مىڭ تەڭگە مورالدىق ٶتەماقى جەنە زاڭدى ٶكٸلدٸڭ قىزمەتٸنە جۇمسالعان 900 مىڭ تەڭگە سوت شىعىنىن ٶندٸرۋ تۋرالى شەشٸ
