Aqtóbe garnizony áskeri soty QR Ulttyq ulanynyń 5548 áskeri bóliminde qyzmet etken starshinaǵa bilikti asyra paidalanǵany úshin 1 jylǵa bas bostandyǵynan aiyrý jazasyn taǵaiyndady, dep habarlaidy ult.kz.
Is materialdaryna sáikes, oqiǵa biyl qańtar aiynda Jańaózen qalasyndaǵy áskeri bólimde bolǵan. Tergeý málimetinshe, ekinshi jedel maqsattaǵy batalonnyń 5-jedel maqsattaǵy rotasynyń starshinasy S. Qasymov jeke quramdy sapqa turǵyzyp, jattyǵý kezinde merzimdi áskeri qyzmetshini balaǵattap, onyń qabyrǵa tusynan úsh ret tepken. Sonyń saldarynan sarbazdyń jetinshi qabyrǵasy synǵan.
Sot barysynda aiyptalýshy óz kinásin moiyndamai, áskeri qyzmetshiler arasyndaǵy daýdy toqtatý úshin ǵana sapqa turǵyzǵanyn, eshkimge qol kótermegenin aitty. Sondai-aq jábirlenýshi ózine jala jaýyp otyrǵanyn málimdedi.
Al jábirlenýshi alǵashqyda bolǵan jaitty jasyryp kelgenin, eki aptadan keiin qan túkirip, qabyrǵasy qatty aýyra bastaǵan soń feldsherge júgingenin jetkizdi. Keiin bul týraly anasyna habarlap, oqiǵa áskeri bólim komandirine málim bolǵan. Osydan keiin áskeri-tergeý basqarmasy qylmystyq is qozǵap, tergeý júrgizgen.
Sot materialdaryna sáikes, oqiǵa bolǵan bólmeniń kireberisinde beinebaqylaý kamerasy bolǵanymen, jazba saqtalmaǵan. Sebebi buǵan deiin ózge qylmystyq is boiynsha beinematerialdar alynǵandyqtan, oqiǵa sáti tirkelmegen.
Sot S. Qasymovty QR Qylmystyq kodeksiniń 451-babynyń 1-bóligi boiynsha kináli dep tanyp, 1 jylǵa bas bostandyǵynan aiyrdy. Ol jazasyn qylmystyq-atqarý júiesiniń qaýipsizdigi barynsha tómen mekemesinde óteidi.
Sonymen qatar sot jábirlenýshiniń azamattyq talap aryzyn ishinara qanaǵattandyryp, oǵan 700 myń teńge moraldyq ótemaqy jáne zańdy ókildiń qyzmetine jumsalǵan 900 myń teńge sot shyǵynyn óndirý týraly sheshi
