بيىل قابىلدانعان ەكولوگييا كودەكسٸ بۇرىنعى قۇجاتتاردان ٶزگەرەك. قازٸر قورشاعان ورتاعا قاتىستى ٶزەكتٸ پروبلەمالار از ەمەس. اۋانى لاستايتىن كەسٸپورىندار سىندى مەسەلەلەر جەتكٸلٸكتٸ. وسىنداي تٷيتكٸلدەردٸ رەتتەۋگە جاڭا كودەكس كٶمەكتەسەدٸ. ساراپشىلار وسىنداي پٸكٸر بٸلدٸردٸ, دەپ حابارلايدى قازاقپارات.
العاشقى ەكولوگييالىق كودەكس 2007 جىلى قابىلدانىپ, 2018 جىلعا دەيٸن ەلدٸڭ ەكولوگييالىق كودەكسٸنە شامامەن 160 تٷزەتۋ ەنگٸزٸلدٸ.
پراكتيكالىق ەكولوگتار قاۋىمداستىعىنىڭ تٶراعاسى لاۋرا مەلٸكوۆانىڭ ايتۋىنشا, بۇرىنعى ەكولوگييالىق كودەكستەگٸ كەيبٸر نورمالار بٸر-بٸرٸنە قايشى كەلگەن.
ياعني, ەكولوگييالىق كودەكس تۇجىرىمداماسى قوعام تالاپتارىنا سەيكەس بولمادى.
«جاڭا كودەكس جوباسىن ەزٸرلەۋ 2018 جىلدان باستالدى. بٸز پراكتيك ەكولوگتاردىڭ قاۋىمداستىعى رەتٸندە بۇعان بەلسەنە اتسالىستىق. 30-عا جۋىق ۇسىنىس جاسادىق. ونىڭ بٸرازى قابىلداندى. اتاپ ايتار بولسام, ەسەپ بەرۋدٸ وڭتايلاندىرۋ, جەر ۋچاسكەلەرٸن بٶلۋ مەحانيزمٸن قايتا قاراۋ جەنە وسى مەحانيزمدٸ مەملەكەتتٸك ەكولوگييالىق ساراپتامانىڭ قورىتىندىسىمەن بايلانىستىرۋ. بۇل قۇجات بۇرىنعى قۇجاتتاردان ٶزگەرەك. جاڭا قۇجاتقا سەيكەس, ەندٸ ٸرٸ كەسٸپورىندار جاسىل تەحنولوگييانى ەنگٸزۋگە مٸدەتتٸ. «لاستاۋشى تٶلەيدٸ جەنە قالپىنا كەلتٸرەدٸ» قاعيداتىنىڭ نەگٸزٸندە لاستانۋدى بولدىرماۋ جەنە باقىلاۋ بويىنشا شارالار, سونداي-اق قورشاعان ورتاعا كەلتٸرٸلگەن زيياننىڭ ورنىن تولتىرۋ ٷشٸن جاۋاپكەرشٸلٸك كٶزدەلگەن. ەكولوگييالىق زييان ورىن العان جاعدايدا تابيعات پايدالانۋشى قورشاعان ورتانى ونىڭ باستاپقى قالىپىنا كەلتٸرۋگە مٸدەتتٸ», - دەيدٸ ساراپشى.
سونىمەن قاتار, ەكولوگ ەكٸمشٸلٸك كودەكستٸڭ اياسىندا سالىق كودەكسٸنە دە ٶزگەرٸستەر ەنگٸزٸلگەنٸن ايتتى.
«قورشاعان ورتانى لاستاعاندارعا سالىناتىن ايىپپۇل ون ەسە ارتتى. سونىمەن قاتار, بۇرىن كەسٸپورىنداردى پروكۋراتۋرانىڭ رۇقساتىمەن عانا تەكسەرەتٸن بولسا, ەندٸ اۋانى لاستاعان كەسٸپورىنداردى بۇقارالىق اقپارات قۇرالدارىندا جارييالانعان ماقالا نەگٸزٸندە جەنە قوعامدىق ۇيىمنىڭ شاعىمى بويىنشا تەكسەرە الادى. بۇل ٶكٸلەتتٸ مەملەكەتتٸك ورگاندارعا قورشاعان ورتاعا زالالدى توقتاتۋعا جەنە شۇعىل ەرەكەت ەتۋگە مٷمكٸندٸك بەرەدٸ. سونداي-اق, ينسپەكتورلاردىڭ جۇمىسىنا دەگەن حالىقتىڭ سەنٸمٸن ارتتىرادى», - دەيدٸ لاۋرا مەلٸكوۆا.
ەكوبەلسەندٸ تيمۋر ەلەۋسٸزوۆتٸڭ سٶزٸنشە, جاڭا ەكولوگييالىق كودەكس قورشاعان ورتانى قالپىنا كەلتٸرۋگە, لاستاۋشىلاردان تازالىقتى تالاپ ەتۋگە جەنە جاۋاپكەرشٸلٸكتٸ كٷشەيتۋ ارقىلى قۇقىق بۇزۋ فاكتٸلەرٸنٸڭ الدىن الۋعا باعىتتالعان.
«جالپى, ەكولوگييالىق كودەكسكە ٶزگەرٸستەر ەنگٸزٸلگەنٸ جاقسى بولدى. بۇل قۇجات ارقىلى كٶپتەگەن حالىقارالىق كەلٸسٸمدەرگە جاقىندادىق», - دەيدٸ تيمۋر ەلەۋسٸزوۆ.
ۇلتتىق كەسٸبي ەكولوگييالىق اۋديتورلار پالاتاسىنىڭ پرەزيدەنتٸ ميراس بايسەيٸتوۆتىڭ پٸكٸرٸنشە, قابىلدانعان جاڭا ەكولوگييالىق كودەكس ەلٸ دە جەتٸلدٸرۋدٸ قاجەت ەتەدٸ.
«ەكولوگييالىق اۋديتتٸڭ كودەكستەن الىنىپ تاستالۋى سەنٸمدٸ ەكولوگييالىق اقپاراتتىڭ جوعالۋىنا ەكەلۋٸ مٷمكٸن. مىسالى, ەسكٸ نۇسقادا مٸندەتتٸ ەكولوگييالىق اۋديت دەگەن ۇعىم بولعان. ەندٸ زاڭدى اۋديت تۇجىرىمداماسى الىنىپ تاستالدى. وسىلايشا, بٸز بارلىق كەسٸپورىندار مەن تابيعي رەسۋرستاردى پايدالانۋشىلارعا نەمەسە جاي ٶنەركەسٸپتٸك كەسٸپورىندارعا مەملەكەتتٸك باقىلاۋدى جوعالتتىق. مٸندەتتٸ ەكولوگييالىق اۋديت جٷرگٸزگەن كەزدە ەكولوگييالىق اۋديتور ەكولوگييالىق ەسەپ جاساپ, كەيٸن ەكولوگييا كوميتەتٸنە جٸبەرەتٸن.قازٸر ەكولوگييالىق اۋديتورلاردىڭ سانى كٷرت تٶمەندەدٸ. ەكولوگييالىق اۋديتورلىق ۇيىمدار مامانداردى قىسقارتۋعا مەجبٷر بولادى, وسىلايشا جۇمىسسىزدىق ورىن الادى. جاڭا قۇجاتتا ەرٸكتٸ اۋديت ۇعىمى ەنگٸزٸلدٸ. مەن كەسٸپكەرلەر ەكولوگييالىق اۋديتكە ٶز ەركٸمەن جٷگٸنەدٸ دەپ ويلامايمىن. ياعني, بٸز سەنٸمدٸ ەكولوگييالىق اقپارات الا الماي قالامىز. جاڭا ەكولوگييالىق كودەكستٸ ەزٸرلەۋ ٷشٸن, مەنٸڭ ويىمشا, كەم دەگەندە 2-3 جىل قاجەت. سوندىقتان جاڭا ەكولوگييالىق كودەكستٸ ەلٸ دە جەتٸلدٸرۋ كەرەك», - دەدٸ ميراس بايسەيٸتوۆ.
