بٷگٸن, 3 قاراشادا الماتىدا ۇلتتىق قوعامدىق سەنٸم كەڭەسٸنٸڭ (بۇدان ەرٸ – ۇقسك, ۇلتتىق كەڭەس) اياسىندا ساراپشىلار قازاقستان ٶڭٸرلەرٸندە اۋىل ەكٸمدەرٸنٸڭ تٸكەلەي سايلاۋىن ٶتكٸزۋ بارىسىن تالقىلادى, دەپ حابارلايدى قازاقپارات.
ٸس-شاراعا ۇقسك مٷشەلەرٸ, بەلگٸلٸ قازاقستاندىق ساياساتتانۋشىلار مەن ەلەۋمەتتانۋشىلار قاتىستى. باسقوسۋدى قر پرەزيدەنتٸنٸڭ كٶمەكشٸسٸ, ۇلتتىق كەڭەس حاتشىسى ەرلان كارين اشتى.
اۋىل ەكٸمدەرٸنٸڭ تٸكەلەي سايلاۋىن ٶتكٸزۋ تۋرالى باستاما العاش رەت پرەزيدەنت ق.ك. توقاەۆتىڭ 2020 جىلعى قازاقستان حالقىنا جولداۋىندا كٶتەرٸلگەن بولاتىن. بۇل باستامانى ٸسكە اسىرۋ ماقساتىندا 2021 جىلعى مامىردا 2 تيٸستٸ زاڭ قابىلدانعان ەدٸ. اتاپ ايتقاندا, «قازاقستان رەسپۋبليكاسىنداعى سايلاۋ تۋرالى» قر كونستيتۋتسييالىق زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» قر كونستيتۋتسييالىق زاڭى جەنە «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە سايلاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭى.
وسى ورايدا پرەزيدەنتتٸڭ كٶمەكشٸسٸ ەرلان كارين «قازٸرگٸ تاڭدا 811 اۋىلدىق وكرۋگتە ەكٸمدەردٸڭ تٸكەلەي سايلاۋى ٶتكٸزٸلگەندٸگٸن, بۇل سايلاۋ سايلاۋشىلار اراسىندا, سونىمەن بٸرگە سايلاۋ ناۋقانىندا اسا بەلسەندٸلٸك تانىتقان ساياسي پارتييالار اراسىندا دا ايتارلىقتاي جوعارى قىزىعۋشىلىق تۋدىرعانىن اتاپ ٶتتٸ. نەتيجەسٸندە سايلانعان ەكٸمدەردٸڭ 86% ساياسي پارتييالاردان ۇسىنىلعان ٷمٸتكەرلەر قۇرادى. 14% – ٶزٸن-ٶزٸ ۇسىنعان ٷمٸتكەرلەر. سونىمەن قاتار, سايلانعان ەكٸمدەردٸڭ جارتىسى (51%) سايلاۋعا دەيٸن بۇل قىزمەتتەردٸ اتقارماعان جاڭا ادامدار.
تالقىلاۋ بارىسىندا «ستراتەگييا» ەلەۋمەتتٸك-ساياسي زەرتتەۋلەر ورتالىعى» قوعامدىق قورىنىڭ جەتەكشٸسٸ گٷلميرا يلەۋوۆا روزا ليۋكسەمبۋرگ قورى ٷشٸن دايىندالعان «جەرگٸلٸكتٸ سايلاۋدا تٸكەلەي داۋىس بەرۋدٸڭ تەۋەكەلدەرٸ مەن مٷمكٸندٸكتەرٸ» زەرتتەۋٸنٸڭ نەتيجەلەرٸمەن تانىستىردى. زەرتتەۋدە اۋىلدىق جەرلەردەگٸ ەكونوميكالىق جاعداي, جەرگٸلٸكتٸ قاۋىمداستىقتىڭ ەرەكشەلٸكتەرٸ, اۋىل تۇرعىندارىنىڭ ساياسي رەفورمالارعا قىزىعۋشىلىعى جەنە ولاردىڭ ەلەكتورالدىق مٸنەز-قۇلقى كٶرسەتٸلگەن.
سونداي-اق, ۇقسك جەنە پرەزيدەنتتٸك جاستار كادرلىق رەزەرۆٸنٸڭ بٸرلەسكەن زەرتتەۋ توبىنىڭ جەتەكشٸسٸ الەكساندر دانيلوۆ 4 وبلىستىڭ (پاۆلودار, قوستاناي, تٷركٸستان جەنە شىعىس قازاقستان) اۋىل ەكٸمدەرٸنٸڭ سايلاۋى ٶتكەن اۋىلدىق وكرۋگتەرٸنە بارۋ نەگٸزٸندە دايىندالعان تالدامالىق باياندامانى ۇسىندى. ول ٶز سٶزٸندە اۋىلدىق وكرۋگ ەكٸمٸن تٸكەلەي سايلاۋىنا بايلانىستى اۋىل تۇرعىندارىنىڭ جالپى پٸكٸرٸ جاقسى ەكەنٸنە نازار اۋداردى.
ايتا كەتكەن جٶن, بۇدان بۇرىن ماڭعىستاۋ, سولتٷستٸك قازاقستان جەنە قاراعاندى وبلىستارىندا ۇقسك مٷشەلەرٸنٸڭ كٶشپەلٸ وتىرىستارى اياسىندا اۋىل ەكٸمدەرٸنٸڭ تٸكەلەي سايلاۋىنا دايىندىق بارىسى مەن اۋىلداردى دامىتۋ مەسەلەلەرٸ تالقىلانعان بولاتىن.
تالقىلاۋ قورىتىندىسى بويىنشا ماماندار اۋىل ەكٸمدەرٸن تٸكەلەي سايلاۋ تەتٸگٸن جەتٸلدٸرۋ بويىنشا بٸرقاتار ۇسىنىستار بەردٸ.
ۇلتتىق قوعامدىق سەنٸم كەڭەسٸنٸڭ الداعى التىنشى وتىرىسىندا دا اۋىل ەكٸمدەرٸ سايلاۋىنىڭ جالپىلاما قورىتىندىلارى شىعارىلادى.
