اتىراۋ وبلىسىندا ماس ەر ادام اعاسىنىڭ ٷيٸن ٶرتەپ جٸبەردٸ, دەپ حابارلايدى قازاقپارات.
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, وقيعا 3 قازاندا قىزىلقوعا اۋدانىندا بولعان.
«اۋداندىق پوليتسييا بٶلٸمٸنە ساعات 17:30 شاماسىندا ويىل اۋىلدىق وكرۋگٸنە قاراستى ەلدٸ مەكەندەردٸڭ بٸرٸندە تۇرعىن ٷي ٶرتەنگەنٸ تۋرالى حابار تٷسكەن.
ارىزدانۋشى ەيەلدٸڭ ايتۋىنشا, كٷيەۋٸنٸڭ ٸنٸسٸ ٸشٸمدٸك ٸشكەن ماس كٷيدە ٷيدٸڭ ٸشٸنە جانارماي شاشىپ, ٶرتەگەن. ٶرت سالدارىنان تۇرعىن ٷي تولىعىمەن جانىپ كەتكەن. تۇرعىن ٷيدٸڭ يەلەرٸ جانىپ جاتقان باسپانادان شىعىپ ٷلگەرگەن», - دەپ حابارلادى دەپارتامەنتتٸڭ باسپاسٶز قىزمەتٸنەن.
وقيعا ورنىنا تەرگەۋ توبى مەن تٶتەنشە جاعدايلار بٶلٸمٸنٸڭ قىزمەتكەرلەرٸ جەدەل جەتٸپ, 55 جاستاعى كٷدٸكتٸنٸ ۇستاعان. بەلگٸلٸ بولعانداي, كٷدٸكتٸ ٶرت قويۋ سەبەبٸن وتباسىلىق كيكٸلجٸڭنٸڭ سالدارىمەن تٷسٸندٸرگەن.
قازٸر ۇستالعان كٷدٸكتٸگە قاتىستى قر قىلمىستىق كودەكسٸنٸڭ 202-بابىنىڭ 2-بٶلٸگٸمەن (بٶتەننٸڭ مٷلكٸن قاساقان جويۋ نەمەسە بٷلدٸرۋ) سوتقا دەيٸنگٸ تەرگەۋ جٷرٸپ جاتىر.
