قر پرەمەر-مينيسترٸ اسقار مامين مەن تاتارستان پرەزيدەنتٸ رۋستام ميننيحانوۆ قاراعاندى وبلىسىنىڭ ساران قالاسىندا شينا شىعاراتىن زاۋىتتىڭ قۇرىلىسىن باستاپ بەردٸ, دەپ حابارلايدى "ۇلت اقپارات".
جوبانى «الليۋر» كومپانييالار توبى» اق جەنە «تاتنەفت» جاق بٸرلەسكەن كەسٸپورنى – «KamaTyresKZ» جشس جٷزەگە اسىرادى.
زاۋىتتىڭ ٶندٸرٸستٸك قۋاتى بٸرٸنشٸ كەزەڭدە جىل سايىن 3,5 ملن كٶپبەيٸندٸ شينانى قۇرايدى, كەيٸننەن جىلىنا 9 ملن شيناعا دەيٸن جەتكٸزٸلەدٸ. زاۋىت قر اۆتوموبيل ٶندٸرٸسٸن وقشاۋلاۋ دەڭگەيٸن ارتتىرۋعا جەنە شينالار يمپورتىن الماستىرۋدى قامتاماسىز ەتۋگە مٷمكٸندٸك بەرەدٸ. بۇل رەتتە ٶنٸمنٸڭ 40%-ىن ەكسپورتتاۋ جوسپارلانۋدا. جوبانى 2022 جىلدىڭ سوڭىندا ٸسكە اسىرۋ جوسپارلانعان. ينۆەستيتسييالاردىڭ جالپى كٶلەمٸ 125 ملرد تەڭگەنٸ قۇرايدى.
زاۋىتتا 1100-دەن استام جوعارى بٸلٸكتٸ جاڭا جۇمىس ورىندارى قۇرىلاتىن بولادى. كەسٸپورىن پەرسونالى «تاتنەفت» جاق شينا كەسٸپورىندارىندا تاعىلىمدامادان ٶتە باستادى.
ٷكٸمەت باسشىسى شينا زاۋىتىن سالۋ جوباسى قازاقستان مەن رەسەي اراسىنداعى ٶنەركەسٸپتٸك كووپەراتسييانىڭ ناقتى ٸس جٷزٸندە كەڭەيگەنٸن ايعاقتايتىنىن اتاپ ٶتتٸ.
«ساران قالاسىندا شينا زاۋىتىن سالۋ قاراعاندى وبلىسىنىڭ جەنە جالپى قازاقستاننىڭ ەكونوميكاسىنا مۋلتيپليكاتيۆتٸ ەسەرٸن تيگٸزەدٸ, ونىڭ بەسەكەگە قابٸلەتتٸلٸگٸن ارتتىرادى جەنە جوعارى بٸلٸكتٸ جاڭا جۇمىس ورىندارىن قۇرادى. زاۋىت ٶڭٸردەگٸ ەڭ ٸرٸ زاۋىتتاردىڭ بٸرٸنە اينالادى, ونىڭ ٶنٸمدەرٸ جوعارى ەكسپورتتىق ەلەۋەتكە يە بولادى», — دەدٸ ا. مامين. تاتارستان پرەزيدەنتٸ ر. ميننيحانوۆ ٶز سٶزٸندە قازاقستان تاتارستاننىڭ جەتەكشٸ شەتەلدٸك سەرٸكتەستەرٸنٸڭ بٸرٸ بولىپ تابىلاتىنىن اتاپ ٶتتٸ. 2020 جىلى پاندەميياعا قاراماستان تاۋار اينالىمى 14%-عا ٶسٸپ, $630 ملن-نان استى. «شينا زاۋىتىنىڭ سالىنۋى مەن ٸسكە قوسىلۋى قازاقستاننىڭ قارقىندى ەلەۋمەتتٸك-ەكونوميكالىق دامۋىن قامتاماسىز ەتۋ جٶنٸندەگٸ شارالار كەشەنٸنٸڭ ماڭىزدى ەلەمەنتٸنە اينالاتىنىنا, سونداي-اق رەسەي فەدەراتسيياسى مەن قازاقستان رەسپۋبليكاسىنىڭ قارىم-قاتىناسىن نىعايتۋ جولىندا تاتارستان-قازاقستان ىنتىماقتاستىعىن ودان ەرٸ ارتتىرۋعا تٷرتكٸ بولادى دەپ سەنەمٸن», — دەدٸ ول.
يندۋسترييالىق ايماق اۋماعىندا شينا زاۋىتىنىڭ قۇرىلىسى ٷشٸن بەتون قۇيۋ رەسٸمٸنە قاراعاندى وبلىسىنىڭ ەكٸمٸ جەڭٸس قاسىمبەك, يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ, «تاتنەفت» جاق باس ديرەكتورى نايل ماگانوۆ, «الليۋر» كومپانييالار توبى» اق ديرەكتورلار كەڭەسٸنٸڭ تٶراعاسى اندرەي لاۆرەنتەۆ جەنە «KamaTyresKZ» جشس ديرەكتورى الەكساندر سمىشلياەۆ قاتىستى.
قر پرەمەر-مينيسترٸ ا. مامين مەن تاتارستان پرەزيدەنتٸ ر. ميننيحانوۆتىڭ قاتىسۋىمەن «قازمۇنايگاز» ۇك» اق مەن «تاتنەفت» جاق اراسىندا بيتۋمدى موديفيكاتسييالاۋدا, ادگەزيۆتەردٸ, جەلٸمدەردٸ, رەزەڭكەلەر مەن ەكولوگييالىق تازا شينالاردى دايىنداۋدا قولدانىلاتىن بۋتاديەن كاۋچۋكتەرٸن ٶندٸرۋ جوباسى بويىنشا ىنتىماقتاستىقتىڭ بازالىق شارتتارى تۋرالى كەلٸسٸمگە قول قويىلدى.
جوبانى ٸسكە اسىرۋ مەرزٸمٸ – 2021-2025 جىلدارى, ٶندٸرٸس قۋاتى جىلىنا 186 مىڭ توننا بۋتاديەن كاۋچۋگى مەن 170 مىڭ توننا يزوبۋتاندى قۇرايتىن بولادى. بۇدان باسقا, قر يندۋسترييا جەنە ينفراقۇرىلىمدىق دامۋ مينيسترلٸگٸ مەن «تاتنەفت» جاق اراسىندا قازاقستاندا بيتۋم زاۋىتىن سالۋ نيەتٸ تۋرالى كەلٸسٸمگە قول قويىلدى.
قاراعاندى وبلىسىنا جۇمىس ساپارى اياسىندا قازاقستان ٷكٸمەتٸنٸڭ باسشىسى مەن تاتارستان پرەزيدەنتٸ سونىمەن قاتار «سولتٷستٸك-وڭتٷستٸك» باعىتى بويىنشا اۋىل شارۋاشىلىعى ٶنٸمدەرٸنٸڭ ساۋدا اعىمىن بايلانىستىرىپ وتىرعان قر-داعى ەڭ ٸرٸ «Global City» كٶتەرمە-تاراتۋ ورتالىعىنىڭ جۇمىسىمەن تانىستى.
