مسم سپورت جەنە دەنە شىنىقتىرۋ ٸستەرٸ كوميتەتٸنٸڭ تٶراعاسى سەرٸك سەپيەۆ بوكسشىلاردىڭ كەمشٸلٸگٸ تۋرالى بەيجٸڭ وليمپياداسىنىڭ چەمپيونى باقىت سەرسەكباەۆتىڭ سىنىنا جاۋاپ بەردٸ, دەپ حابارلايدى قازاقپارات.
«قاشىقتان كٶبٸرەك جۇمىس ٸستەۋ, قارسىلاسقا شابۋىلداۋعا بايلانىستى نۇسقامالار بولدى, ەرينە قارسىلاسقا شابۋىل جاساعان سوڭ دۇرىس قورعانىپ, ٶزٸ سوققى جاساۋ كەرەك ەدٸ. باقىت سەرسەكباەۆ وسىنى ايتقىسى كەلدٸ, مەن ونىمەن تولىق كەلٸسەمٸن, ال تٶمپەشتەپ ۇرۋ بەرٸنٸڭ قولىنان كەلەدٸ. ول دۇرىس ايتادى, قورعانا دا بٸلۋ كەرەك, قارسى شابۋىلدى دا جاساۋ كەرەك», - دەپ جاۋاپ بەردٸ سەپيەۆ ورتالىق كوممۋنيكاتسييالار قىزمەتٸندە تٸلشٸ سۇراعىنا.
سەرٸك سەپيەۆ بۇل تۇرعىدا جاتتىقتىرۋشىلاردىڭ دا جەتٸلٸپ, ٶز شەكٸرتتەرٸمەن جۇمىس ٸستەۋٸ كەرەگٸن ايتتى.
بۇعان دەيٸن سەرٸك سەپيەۆ قازاقستان بوكسشىلارى قانشا جٷلدە ەكەلۋٸ مٷمكٸن ەكەنٸن ايتقان ەدٸ.
«بوكستان جٷلدە الۋعا ەلٸ دە ٷمٸتٸمٸز بار. ٷش-تٶرت مەدال الۋعا بولادى. ەندٸ سەكەن بيبوسىنوۆتىڭ قارسىلاسى – فرانتسييا بوكسشىسى, ول ٶتە مىقتى, ودان ٶتسە كەلەسٸ قارسىلاستارىنىڭ دەڭگەيٸ فرانتسييالىقتاي بولمايدى. سوسىن ەبٸلحان امانقۇلدىڭ, قامشىبەك قوڭقاباەۆتىڭ جەنە زەكٸر سافيۋلليننٸڭ قاسرىلاستارى ايتارلىقتاي كٶشباسشىلار ەمەس, ولاردى جەڭۋگە بولادى. سول ٷشٸن قالعان تٶرت بوكسشىمىز تٶرت مەدال ەكەلۋٸ دە مٷمكٸن», - دەدٸ بوكسشى.
