فوتو: dpchas.com.ua
رۋدنىي قالاسىندا 100 مىڭنان استام ۇيالى بايلانىس ابونەنتتەرٸنٸڭ ينتەرنەتٸ دۇرىس ٸستەمەي قالدى. پروكۋرورلار وپەراتورلارعا ايىپپۇل سالىپ قانا قويماي, قوسىمشا انتەننالاردى ورناتۋعا مٸندەتتەدٸ, دەپ حابارلايدى قوستاناي وبلىستىق پروكۋراتۋراسىنىڭ باسپاسٶز قىزمەتٸ.
پروكۋراتۋرلار ٶڭٸرارالىق بايلانىس ينسپەكتسيياسىمەن بٸرلەسٸپ, قالا كٶشەلەرٸندە 3G مەن 4G-گە قول جەتكٸزۋ ساپاسىنىڭ ناشارلاعانى, سونداي-اق دەرەكتەردٸ جٷكتەۋ جىلدامدىعىنىڭ بۇزىلعانىن انىقتادى.
قاداعالاۋ اكتٸسٸ بويىنشا بايلانىس وپەراتورلارىنا جالپى سوماسى 10 ملن تەڭگەدەن استام ەكٸمشٸلٸك ايىپپۇلدار سالىندى. بۇدان بٶلەك, قۇقىقبۇزۋشىلىق فاكتٸلەرٸن جويۋ تۋرالى نۇسقامالار تابىستالدى.
موبيلدٸ وپەراتورلار نۇسقامالاردى ورىنداۋ قورىتىندىسى بويىنشا قالادا بايلانىس ساپاسىن جاقسارتۋ ٷشٸن قوسىمشا انتەننالار مەن قۇرىلعىلاردى ورناتتى. وسىلايشا, 103 مىڭ ۇيالى بايلانىس ابونەنتٸنٸڭ قۇقىقتارى قورعالدى.
