Foto: dpchas.com.ua
Rýdnyi qalasynda 100 myńnan astam uialy bailanys abonentteriniń interneti durys istemei qaldy. Prokýrorlar operatorlarǵa aiyppul salyp qana qoimai, qosymsha antennalardy ornatýǵa mindettedi, dep habarlaidy Qostanai oblystyq prokýratýrasynyń baspasóz qyzmeti.
Prokýratýrlar óńiraralyq bailanys inspektsiiasymen birlesip, qala kóshelerinde 3G men 4G-ge qol jetkizý sapasynyń nasharlaǵany, sondai-aq derekterdi júkteý jyldamdyǵynyń buzylǵanyn anyqtady.
Qadaǵalaý aktisi boiynsha bailanys operatorlaryna jalpy somasy 10 mln teńgeden astam ákimshilik aiyppuldar salyndy. Budan bólek, quqyqbuzýshylyq faktilerin joiý týraly nusqamalar tabystaldy.
Mobildi operatorlar nusqamalardy oryndaý qorytyndysy boiynsha qalada bailanys sapasyn jaqsartý úshin qosymsha antennalar men qurylǵylardy ornatty. Osylaisha, 103 myń uialy bailanys abonentiniń quqyqtary qorǵaldy.
