بيىلعى كٶكتەمگٸ دالا جۇمىستارىن قارجىلاندىرۋعا مەملەكەت تاراپىنان 116,8 ملرد تەڭگە كرەديت قارجىسى قاراستىرىلعان. بۇل تۋرالى بٷگٸن ٷكٸمەت وتىرىسىندا قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى قازاقپارات.
«بيىل ەگٸس جۇمىستارىن جٷرگٸزۋ ٷشٸن ەنەرگەتيكا مينيسترلٸگٸنٸڭ كەلٸسٸمٸمەن اقپان-ماۋسىم ايلارىنا شامامەن 380 مىڭ توننا ديزەل وتىنى بٶلٸندٸ. قازٸرگٸ ۋاقىتتا وبلىستاردىڭ وپەراتورلارى مۇناي ٶڭدەۋ زاۋىتتارىمەن شارتتار جاساسۋ جەنە ديقاندار ٷشٸن ديزەل وتىنىن تيەپ-جٶنەلتۋ رەسٸمدەرٸن جٷرگٸزۋدە. كەستەنٸڭ قولدانىلۋ كەزەڭٸندە اۋىل شارۋاشىلىعى مينيسترلٸگٸ ەنەرگەتيكا مينيسترلٸگٸمەن بٸرلەسٸپ. ٶڭٸرلەرگە مۇناي ٶڭدەۋ زاۋىتتارىنان ديزەل وتىنىنىڭ تيەپ-جٶنەلتٸلۋٸنە كٷن سايىن مونيتورينگ جٷرگٸزٸپ وتىر», - دەدٸ ساپارحان وماروۆ.
مينيستردٸڭ اتاپ ٶتۋٸنشە, بيىلعى كٶكتەمگٸ دالا جۇمىستارىن قارجىلاندىرۋعا مەملەكەت تاراپىنان 116,8 ملرد تەڭگە كرەديتتٸك قارجى قاراستىرىلىپ وتىر. ونىڭ ٸشٸندە اگروٶنەركەسٸپتٸك كەشەن سۋبەكتٸلەرٸن قولداۋ ٸس-شارالارىن جٷرگٸزۋ ٷشٸن «اگرارلىق نەسيە كورپوراتسيياسى» اق رەسپۋبليكالىق بيۋدجەتتەن كٶكتەمگٸ دالا جەنە ەگٸن جيناۋ جۇمىستارىن جٷرگٸزۋگە 70 ملرد تەڭگە كٶلەمٸندە بيۋدجەتتٸك كرەديت بٶلدٸ.
«بٷگٸنگٸ كٷنٸ «كەڭ دالا» باعدارلاماسى اياسىندا 48,6 ملرد تەڭگە سوماسىنا 1 326 اۋىل شارۋاشىلىعى تاۋارىن ٶندٸرۋشٸ قارجىلاندىرىلدى. تاعى 562 اۋىل شارۋاشىلىعى تاۋارىن ٶندٸرۋشٸ 10,6 ملرد تەڭگە سوماسىنا قارجىلاندىرىلۋ ساتىسىندا. سونىمەن قاتار, «اۋىل شارۋاشىلىعىن قارجىلاي قولداۋ قورى» اق كرەديتتەر كٶلەمٸ 6 ملن تەڭگەدەن اسپايتىن كٶكتەمگٸ دالا جۇمىستارىن جٷرگٸزۋدٸ قارجىلاندىراتىنىن دا اتاپ ٶتۋ قاجەت. بٷگٸنگٸ تاڭدا 60-تان استام ۇساق اۋىل شارۋاشىلىعى تاۋارىن ٶندٸرۋشٸگە 370 ملن تەڭگەدەن استام قاراجات بەرٸلدٸ», - دەدٸ ول.
