الداعى 5 جىلدا اۋىل تۇرعىندارىنا 250 ملرد تەڭگە سوماعا 50 مىڭ ميكروكرەديت بەرۋ جوسپارلانعان. بۇل تۋرالى بٷگٸن ٷكٸمەت وتىرىسىندا قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى قازاقپارات.
«جالپى يمپورتتى الماستىرۋ اياسىندا 2024 جىلعا دەيٸن 19 قۇس فابريكاسىن, جىل سايىن 35 تاۋارلىق سٷت فەرماسىن, 9 ەت كومبيناتىن ٸسكە قوسۋ, سونداي-اق جامبىل وبلىسىندا
1 جاڭادان قانت زاۋىتى قۇرىلىسى جوسپارلانعان. 6,6 مىڭ گەكتار الاڭدا جاڭا قارقىندى باق وتىرعىزۋ كٶزدەلگەن. بۇل جوبالاردى ەنگٸزۋ اۋىلدا 20 مىڭعا جۋىق جۇمىس ورنىن قۇرۋعا مٷمكٸندٸك بەردٸ», - دەدٸ مينيستر.
ونىڭ اتاپ ٶتۋٸنشە, «ەڭبەك» باعدارلاماسى اياسىندا الداعى بەس جىلدا اۋىلداردا 250 ملرد تەڭگە سوماعا 50 مىڭ ميكروكرەديت بەرۋ جوسپارلانىپ وتىر.
«اتالعان بادارلاما بويىنشا ٶتكەن جىلدىڭ ٶزٸندە وسى ماقساتتارعا 43,2 ملرد تەڭگە باعىتتالدى. بۇل 11 مىڭنان استام ميكروكرەديت بەرۋگە مٷمكٸندٸك بەردٸ. ونىڭ 60 پايىزىن ستارتاپ-جوبالار قۇرايدى. باعدارلامانى ٸسكە اسىرۋ اۋىلدا 11 مىڭ تۇراقتى جۇمىس ورنىن قۇرۋعا مٷمكٸندٸك بەردٸ. سونداي-اق, «سىباعا» باعدارلاماسى بويىنشا جەڭٸلدەتٸلگەن كرەديت بەرۋ اياسىندا 2025 جىلعا دەيٸن ەتتٸ مال شارۋاشىلىعىندا 175 ملرد تەڭگە سوماسىنا 2 500 شارۋاشىلىققا كرەديت بەرۋ جوسپارلانۋدا, نەتيجەسٸندە 10 مىڭ جۇمىس ورنى قۇرىلادى», - دەدٸ ساپارحان وماروۆ.
مينيستردٸڭ دەرەگٸنشە, قوي شارۋاشىلىعىندا «التىن اسىق» باعدارلاماسى بويىنشا 117,2 ملرد تەڭگە سوماسىنا 11 مىڭ شارۋاشىلىققا كرەديت بەرۋ جوسپارلانعان. بۇل 33 498 جۇمىس ورنىن قۇرۋعا مٷمكٸندٸك بەرەدٸ.
«كەڭ دالا» باعدارلاماسى بويىنشا جىل سايىن كٶكتەمگٸ دالا جەنە ەگٸن جيناۋ جۇمىستارىن جٷرگٸزۋگە 70 ملرد تەڭگە كٶلەمٸندە بيۋدجەتتٸك كرەديت بٶلٸنەدٸ. بيىل 2 400 تاۋار ٶندٸرۋشٸگە 3 ملن گەكتار الاڭعا اۋىل شارۋاشىلىعى داقىلدارىن ەگۋ ٷشٸن جالپى سوماسى 70 ملرد تەڭگە قىسقا مەرزٸمدٸ كرەديت بەرۋ كٶزدەلگەن. بٷگٸنگٸ كٷنٸ باعدارلاما اياسىندا 1 923 اۋىل شارۋاشىلىعى ەڭبەككەرٸ جالپى سوماسى 63,0 ملرد تەڭگەگە قارجىلاندىرىلدى», - دەدٸ ول.
