قۇس ەتٸنٸڭ يمپورتىن الماستىرۋعا 200 مىڭ توننالىق قۇس فابريكالارىن قوسىمشا پايدالانۋعا بەرۋ كەرەك. بۇل تۋرالى سەناتتا دەپۋتاتتارمەن كەزدەسۋ بارىسىندا قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى قازاقپارات.
«سٷت بويىنشا جىل سايىن كەمٸندە 25 ٶنەركەسٸپتٸك تاۋارلىق سٷت فەرماسىن پايدالانۋعا ەنگٸزۋ جوسپارى بار. قۇس ەتٸنٸڭ يمپورتىن الماستىرۋ ٷشٸن قۋاتى 200 مىڭ توننالىق قۇس فابريكالارىن قوسىمشا پايدالانۋعا ەنگٸزۋ قاجەت. قازٸر بٸزدە 155 مىڭ توننا قۇس ەتٸنە ارنالعان 12 جوبا جوبالاۋ مەن ٸسكە اسىرۋ ساتىسىندا تۇر. الما يمپورتىن الماستىرۋ ٷشٸن بٸزگە قوسىمشا 12,5 مىڭ گەكتار الاڭدا باق ٶسٸرۋ كەرەك, ولار 105 مىڭ توننا الما ٶندٸرۋگە مٷمكٸندٸك بەرەدٸ», - دەپ توقتالدى مينيستر.
ونىڭ سٶزٸنە قاراعاندا, ٸشكٸ نارىقتى قانتپەن مولىقتىرۋ بويىنشا جاڭا 2 زاۋىت سالۋ جەنە جۇمىس ٸستەپ تۇرعان 3 قانت زاۋىتىنا جاڭعىرتۋ جٷرگٸزۋ, سونداي-اق قانت قىزىلشاسى ەگٸستەرٸن ۇلعايتۋ قاجەت.
«يمپورت الماستىرۋ جٶنٸندەگٸ بۇل شارالاردىڭ ٸسكە اسىرىلۋى 2024 جىلعا قاراي سەكتوردىڭ نەگٸزگٸ كاپيتالىنا شامامەن 770 ملرد تەڭگە ينۆەستيتسييا تارتا وتىرىپ, ٸشكٸ نارىقتى 80 جەنە 100 پايىزعا دەيٸن وتاندىق ٶنٸمدەرمەن مولىقتىرۋعا مٷمكٸندٸك بەرەدٸ. سوندىقتان, بٸز تيٸمسٸز سۋبسيدييالاردان باس تارتىپ, نەتيجەگە باعدارلانعان سۋبسيدييالارعا كٶشۋ ارقىلى قولدانىستاعى مەملەكەتتٸك قولداۋ شارالارىن جەتٸلدٸرۋدٸ ۇسىنامىز», - دەدٸ ساپارحان وماروۆ.
بۇدان بۇرىن حابارلانعانداي, مينيستر اگروٶنەركەسٸپتٸك كەشەندٸ دامىتۋدىڭ 2017-2021 جىلدارعا ارنالعان مەملەكەتتٸك باعدارلاماسىنا ٶزگەرٸستەر دايىندالعانىن ايتتى.
«بٷگٸندە بٸزدەگٸ ەلەۋمەتتٸك ماڭىزى بار تاۋارلار تٸزبەسٸنە 19 تاۋار ەنگەن, ولاردىڭ ٸشٸندە 505 ملن اقش دوللارى سوماسىنداعى تەك 6 تاۋار بويىنشا عانا يمپورتقا تەۋەلدٸمٸز», - دەدٸ س. وماروۆ.
